පෙබරවාරී 17 සිට 26 දක්වා පැවැත්වීමට නියමිතව සාමාන්ය පෙළ විභාගය සඳහා සියලු කටයුතු මේ වනවිට සූදානම් බව විභාග දෙපාර්තමේන්තුව සඳහන් කරනවා.
විභාගය රට පුරා ස්ථාපිත කර ඇති විභාග මධ්යස්ථාන 3,545 කදී පැවැත්වීමට නියමිතයි.
පොලිසියේ සහ ත්රිවිධ හමුදාවේ සහාය ඇතිව විභාගයට මුහුණ දෙන සිසුන්ගේ ආරක්ෂාව සහතික කිරීම සඳහා සියලු ආරක්ෂක පියවර ගෙන ඇති බවයි විභාග කොමසාරිස් ජනරාල් ඉන්දිකා කුමාරි ලියනගේ සඳහන් කළේ.
මීට අමතරව, ඕනෑම හදිසි අවස්ථාවකට සහාය වීමට සහ විශේෂයෙන් විභාග මධ්යස්ථාන වෙත ළඟා වීමට නොහැකි අපේක්ෂකයින් ප්රවාහනය කිරීම සඳහා ආපදා කළමනාකරණ මධ්යස්ථානයේ සහාය ද හිමිවන බව සඳහන්.
මේ අතර, සුළි කුණාටුව හේතුවෙන් අස්ථානගත වූ හෝ නැති වූ අනිවාර්ය ලියකියවිලි සම්බන්ධයෙන්, කොමසාරිස් ජනරාල්වරයා ප්රකාශ කළේ පෞද්ගලික අයදුම්කරුවන් සඳහා ග්රාම නිලධාරියාගේ අත්සන සහිත විදේශ ගමන් බලපත්ර ප්රමාණයේ ඡායාරූප දෙකක් සහ පාසල් අයදුම්කරුවන් සඳහා පාසලේ විදුහල්පතිවරයාගේ අත්සන සහිත – ජාතික හැඳුනුම්පත වැනි වැදගත් හැඳුනුම්පතක් අහිමි වූ අපේක්ෂකයින් සඳහා තාවකාලික ලේඛනයක් ලෙස ඉදිරිපත් කළ හැකි බවයි.
එමෙන්ම විභාගය අවසන් වී මාස තුනක් ඇතුළත සාමාන්ය පෙළ විභාගයේ ප්රතිඵල නිකුත් කිරීමට අපේක්ෂා කරන බවයි කොමසාරිස් ජෙනරාල්වරය පැවසුවේ.
