2025 වසර නියමිත අධ්යන පොදු සහතික පත්ර සාමාන්ය පෙළ විභාගය ලබන 17 වැනිදා ආරම්භ වීමට නියමිතයි.
ඒ අනුව එම විභාගය සඳහා පෙනී සිටීමට අපේක්ෂිත නමුත් මෙතෙක් ජාතික හැඳුනුම්පත් තොරතුරු තහවුරු කිරීමේ ලිපි ලබා නොගත් පාර්ශ්වයන් සඳහා පුද්ගලයින් ලියාපදිංචි කිරීමේ දෙපාර්තමේන්තුව විශේෂ නිවේදනයක් නිකුත් කර තිබෙනවා.
එම නිවේදනය මඟින් පුද්ගලයින් ලියාපදිංචි කිරීමේ දෙපාර්තමේන්තුව පෙන්වා දෙන්නේ එම දෙපාර්තමේන්තුවේ නිල වෙබ් අඩවිය වන www.drp.gov.lk දරන වෙබ් අඩවියට පිවිස එම තොරතුරු තහවුරු කිරීමේ ලිපි බාගත කිරීමේ පහසුව සලසා ඇති බවයි.
එමෙන්ම ජාතික හැඳුනුම්පතෙහි තොරතුරු තහවුරු කිරීමේ ලිපි නිකුත් කිරීම සඳා පමණක් හෙට (14) දින (සෙනසුරාදා දින) පුද්ගලයින් ලියාපදිංචි කිරීමේ දෙපාර්තමේන්තුවේ ප්රධාන කාර්යාල සහ ගාල්ල, කුරුණෑගල, වව්නියාව, මඩකලපුව සහ නුවරඑළිය යන දිස්ත්රික්කවල පිහිටි පළාත් කාර්යාල ශාඛාවන් පෙරවරු 08.30 සිට පස්වරු 12.30 දක්වා විවෘතව තබන බවද එම දෙපාර්තමේන්තුව නිවේදනය මඟින් දැනුම්දී තිබෙනවා.
තවද මේ වන තෙක් ඉල්ලුම්පත් ඉදිරිපත් නොකළ මෙවර අධ්යන පොදු සහතික පත්ර සාමාන්යෙ පෙළ විභාගයට පෙනී සිටින පාසල් ඉල්ලුම්කරුවන් වේ නම් ඒ සඳහා විදුහල්පති හෝ ග්රාම නිලධාරී විසින් සහතික කළ නිසි ලෙස සම්පූර්ණ කරන ලද ඉල්ලුම්පත හා අදාළ ලේඛණ රැගෙන පැමිණෙන ලෙසත් එම දෙපාර්තමේන්තුව දැනුම්දෙනවා.
