ප්රොජෙක්ට් 75 ඉන්දියා (P-75I) යටතේ දියුණු සබ්මැරීන 06ක් ඉදිකිරීම සඳහා ජර්මනියේ තයිසන්කෘප් මැරීන් සිස්ටම්ස් (TKMS) සමඟ විධිමත් සාකච්ඡා ආරම්භ කිරීමට ඉන්දීය මධ්යම රජය ආරක්ෂක අමාත්යාංශයට සහ මැසගෝන් ඩොක් ෂිප්බිල්ඩර්ස් ලිමිටඩ් (MDL) හට අවසර ලබාදී ඇතැයි ANI වාර්තා කරනවා.
මෙම අවසරය හිමි වූයේ මාස හයකට වැඩි කාලයක පමාවකින්.
ආරක්ෂක නිලධාරීන් උපුටා දක්වමින් ANI වාර්තා කළේ මෙම මාසය අවසන් වන විට සාකච්ඡා ආරම්භ කිරීමට අපේක්ෂා කරන බවයි.
ප්රොජෙක්ට් 75 ඉන්දියා යනු ජර්මනිය සතු AIP පද්ධතිය සහිත සබ්මැරීන ඉන්දියාවේ නිෂ්පාදනය කිරීමේ ව්යපෘතියක්.
එම තාක්ෂණය මඟින් සබ්මැරීනවලට සති තුනක් දක්වා ජලය යට රැඳී සිටීමට ඉඩ සැලසෙනවා.
චීන නාවික හමුදාව ඉන්දියානු සාගරයේ සිය පැවැත්ම වේගයෙන් පුළුල් කිරීම සහ පකිස්ථානය ද එහි මුහුදු යට බලඇණිය ශක්තිමත් කිරීමත් සමඟ, සබ්මැරීන නිෂ්පාදනය සහ නවීකරණය වේගවත් කිරීම සඳහා ඉන්දියාව අවධානය යොමු කර තිබෙනවා.
මේ හා සමගාමීව ඉන්දියාව න්යෂ්ටික සබ්මැරීන දෙකක් ගොඩනැංවීම ද සිදු කරමින් සිටිනවා.
