සබරගමුව මහ සමන් දේවාලයේ බස්නායක නිළමේවරයා ලෙස ඉෂාන් සංඛ මාපිටිගම තේරී පත්ව තිබෙනවා.
රත්නපුර දිස්ත්රික් ලේකම් කාර්යාලයේ බෞද්ධ කටයුතු කොමසාරිස් ආර්. එම්. ජී. සේනාරත්නගේ ප්රධානත්වයෙන් අද (20) පැවති ඡන්ද විමසීමේ දී ඔහු මෙම තනතුර සඳහා තේරී පත් වුණා.
නව බස්නායක නිලමේවරයෙකු තෝරා පත්කර ගැනීම සඳහා රත්නපුර දිස්ත්රික්කයේ ප්රාදේශීය ලේකම්වරු 09 දෙනෙකු ද, බොල්තුඹේ සමන් දේවාලයේ බස්නායක නිලමේවරයා සහ උග්ගල් අලුත් නුවර සහ අම්මඩුව කුඩා කතරගම දේවාල දෙකේ තාවකාලික භාරකරුවන් දෙදෙනා සුදුසුකම් ලබා තිබුණා.
ඒ, අනුව මෙම නිලවරණය සඳහා ඡන්ද හිමියන් දොළොස් දෙනෙකු සුදුසුකම් ලබා තිබූ අතර, ඉන් 11 දෙනෙකු නව බස්නායක නිලමේවරයා තෝරාපත් කර ගැනීමේ අවස්ථාවට සහභාගීව සිටියා.
ඉන් එක් අයෙකු ප්රකාශ කළ ඡන්දයක් ප්රතික්ෂේප වූ අතර, ඒ අනුව වලංගු ඡන්ද සංඛ්යාව 10ක් ලෙසයි සටහන් වුණේ.
ඒ, අනුව වැඩි ඡන්ද සංඛ්යාවක් ලබාගත් ඉෂාන් සංඛ මාපිටිගම සබරගමුව මහ සමන් දේවාලයේ නව බස්නායක නිලමේවරයා ලෙස තේරී පත්වුණා.
