සජිත් ප්රේමදාස නිවාස අමාත්යවරයාව සිටිය දී දිවයින පුරා ඉදිකිරීම් ආරම්භ කර වැඩ අවසන් නොකර අතහැර දැමූ උදාගම්මානවල වැඩ කඩිනමින් අවසන් කරන ලෙස නාගරික සංවර්ධන හා නිවාස අමාත්ය ප්රසන්න රණතුංග ජාතික නිවාස සංවර්ධන අධිකාරියට උපදෙස් ලබා දී තිබුණා.
ඒ, අනුව නිවාස අමාත්යවරයා ලෙස සජිත් ප්රේමදාස කටයුතු කළ 2015-2019 කාලය තුළ දිවයින පුරා උදාගම්මාන 2,158ක නිවාස ඒකක 42,610ක වැඩ ආරම්භ කර තිබූ බවයි නාගරික සංවර්ධන හා නිවාස අමාත්යාංශය සඳහන් කරන්නේ.
කෙසේ වෙතත් ඒවායේ වැඩ අර්ධ වශයෙන් අවසන් කර ඇති බවත්, තවත් අත්තනෝමතිකව කටයුතු කිහිපයක් සම්බන්ධයෙන් එම අමාත්යාංශය එවක අමාත්යවරයා ලෙස කටයුතු කළ සජිත් ප්රේමදාසට චෝදනා එල්ල කර සිටියා.
මේ අතර විපක්ෂ නායක සජිත් ප්රේමදාසට මෙලෙස එල්ල කරන චෝදනාවන්ට පිළිතුරු සපයමින් සමගි ජන බලවේගය අද (17) විශේෂ නිවේදනයක් නිකුත් කරනු ලැබුවා.
සමගි ජන බලවේගය මාධ්ය ලේකම්වරයාගේ අත්සනින් යුතුවයි එම නිවේදනය නිකුත් කර ඇත්තේ.
අදාළ නිවේදනය පහතින්..
