එංගලන්ත ක්රිකට් කණ්ඩායමේ සුදු පන්දුවේ ප්රධාන පුහුණුකරු මැතිව් මොට් ලබන සතියේ එම තනතුරින් ඉවත්වන බවට තොරතුරු වාර්තා වනවා.
ඒ, අනුව එංගලන්ත එක්දින සහ විස්සයි විස්ස කණ්ඩායම් සඳහා නව ප්රධාන පුහුණුකරුවෙක් තෝරාගැනීමට එරට ක්රිකට් ආයතනයට සිදුව තිබෙනවා.
මේ අතර එම තනතුර සඳහා ශ්රී ලංකා හිටපු නායක කුමාර් සංගක්කාර ද ඉල්ලුම්කර ඇති බවයි ක්රීඩා මාධ්ය වාර්තා කළේ.
සංගක්කාරට අමතරව ඕස්ට්රේලියානු හිටපු පිතිකරු මයිකල් හසී සහ ඇෆ්ගනිස්තාන ප්රධාන පුහුණුකරු මෙන්ම එංගලන්ත හිටපු පිතිකරු ජොනතන් ට්රොට් ද අපේක්ෂකයන් ලෙස ඉදිරිපත්ව සිටින බව වාර්තා වන්නේ.
මේ අතර බ්රෙන්ඩන් මැකලම්ගේ පුහුණුකාරිත්වය යටතේ එංගලන්තය ටෙස්ට් තරගවල සාර්ථකත්වය සහ ආක්රමණශීලී අනන්යතාවයක් මේ වනවිට සොයාගෙන තිබෙනවා.
සුදු පන්දුවේ නව පත්වීම යටතේ එංගලන්තය නැවතත් එක්දින සහ විස්සයි විස්ස ආකෘතිවල ඉහළම ස්ථානයට පැමිණීම අපේක්ෂා කරනු ඇති.
