සුපිරි බොලිවුඩ් සිනමා මළු ෂාරුක් ඛාන් රංගනයෙන් දායක වන නවතම චිත්‍රපටය වන “පතාන්” බොක්ස් ඔෆිස් වාර්තා බිඳ දමමින් තිරගත වූ පළමු දිනයේදීම වාර්තා පිහිටුවීමට සමත්ව තිබෙනවා.
‘පතාන්’ චිත්‍රපටය ‘ඉතිහාසගත ජනප්‍රිය චිත්‍රපටයක් බවට පත්ව ඇති බවයි ඉන්දීය මාධ්‍ය වාර්තා කළේ.
තිරගත වීම අරඹා දෙවන දිනයේදී රුපියල් කෝටි 113.6ක අදායමක් ලබා ඇති අතර චිත්‍රපටයේ ලොව පුරා ආදායම් එකතුව දින දෙකකින් රුපියල් කෝටි 219.6 බව සඳහන්.
දෙවන දිනයේදී, පමණක් ‘පතාන්’ ඉන්දියාවේ පමණක් රුපියල් කෝටි 68ක ශුද්ධ ලාබයක් ලබා තිබෙනවා.
එහි ශබ්ද විකාශන පිටපත්වලින් පමණක් රුපියල් කෝටි 2.5 ක ශුද්ධ ආදායමක් උපයා ගත් බවයි වාර්තා වන්නේ.
ඉන්දීය මාධ්‍ය වාර්තා කළේ සෑම අවස්ථාවකම වාර්තාගත බොලිවුඩ් චිත්‍රපටයක් බවට පත්වීමට සූදානමින් සිටින ෂාරුක් ඛාන්ගේ මෙවර ආගමනය දැනටමත් ඉන්දියාවේ සහ ලොව පුරා වාර්තා කිහිපයක් බිඳ දමා ඇති බවයි.
මෙය හින්දි චිත්‍රපටයක් සඳහා ආරම්භක දිනයේ ආදායම් වාර්තාවක් තැබූ පළමු චිත්‍රපටය බවට පත්ව ඇති අතර එය ද නිවාඩු නොමැති සතියේ දිනක සිදු වීම විශේෂත්වයක්.
එය පළමු දිනයේ දී ප්‍රදර්ශනය කළ රටවල්වලින් ඉන්දීය රුපියල් කෝටි 100 ඉක්මවා අදායම් රැස් කළ පළමු බොලිවුඩ් චිත්‍රපටය බවට පත් වූ අතර ඉතිහාසයේ බොලිවුඩ් චිත්‍රපටයක් සඳහා පැවති විශාලතම ජාත්‍යන්තර මංගල දර්ශනය ද මෙය බවටයි වාර්තා වන්නේ.
එක් දිනක ආදායම රුපියල් කෝටි 106ක් වාර්තා කර ඇති අතර, දෙවන දිනයේ ආදායම දළ වශයෙන් රුපියල් කෝටි 125ක් පමණ වන බවයි ඉන්දියන් එක්ස්ප්‍රස් වෙබ් අඩවිය වාර්තා කර තිබෙනවා.
පතාන් ලොව පුරා රටවල් 100කට වඩා වැඩි ප්‍රමාණයකට පිටපත් 8000ක් පමණ නිකුත් කර ඇති අතර එය හින්දි චිත්‍රපටයක් සඳහා මෙතෙක් නිකුත් වූ පුළුල්ම දර්ශන වාර ප්‍රමාණය බව ද සඳහන්.
ඉන්දියාවේ, පමණක් චිත්‍රපටය ආසන්න වශයෙන් දර්ශන 5000 කින් පමණ ආරම්භ වූ අතර, එය හින්දි චිත්‍රපටයක් සඳහා ඉන්දියාවේ තෙක් නිකුත් වූ විශාලතම නිකුතුවයි. .
චිත්‍රපටයේ දෙදින අදායම රුපියල් කෝටි 219 ක් වන අතර එය ‘KGF 2’ (Hindi) සහ ‘Baahubali – The Conclusion’ විසින් තබා ඇති වාර්තා බිඳ දමා ඇති බවටයි Boxofficeindia.com වාර්තා කරන්නේ.
පතන් චිත්‍රපටය හින්දි, දෙමළ සහ තෙළිඟු යන භාෂා තුනෙන්ම එකවර නිකුත් වී තිබෙනවා.
Yash Raj Films හි ප්‍රධාන විධායක නිලධාරී Akshay Vidhani පැවසුවේ “අද කර්මාන්තයක් ලෙස සැමරීමට දිනයක්. පතාන්ගේ සාර්ථකත්වයෙන් මතුවන වැදගත්ම හැඟීම මෙයයි. යෂ් රාජ් ෆිල්ම්ස් මාධ්‍යයට, ප්‍රේක්ෂකයින්ට සහ කර්මාන්තයට ඔවුන් ලබා දුන් සියලු සහයෝගයට කෘතඥ වෙනවා. පවතින සියලුම වාර්තා බිඳ දැමීමට පතන්ට හේතු වී ඇත්තේ චිත්‍රපටයට ඇති මෙම ඒකමතික ආදරයයි. චිත්‍රපටිය මේ තරම් ආකර්ශනීය ලෙස සියලු දෙනාටම විනෝදාස්වාදය ලබා දීම ගැන අපි සතුටු වෙමු.”
අධ්‍යක්ෂක සිද්ධාර්ත් ආනන්ද්, සුපිරි නළු ෂාරුක් ඛාන්, දීපිකා පදුකෝන් සහ ජෝන් ඒබ්‍රහම් ඇතුළු පතාන්ගේ මුළු කණ්ඩායම සමඟම සහ පතාන් සාර්ථක කර ගැනීමට වෙහෙස මහන්සි වී වැඩ කළ සියලු දෙනා සමඟ අපි මේ මොහොත බෙදා ගනිමු. . ලොව පුරා සිටින ඉන්දියානුවන් ෂාරුක් නැවත සිනමාහල් වෙත පැමිණීම සමරයි. ඇත්තටම අපිට මේ උණුසුම දැකීම විශේෂයි. අපි කණ්ඩායමක් ලෙස පිරී ඉතිරී යන අතර අප කෙරෙහි විශ්වාසය තැබූ සැමට ස්තූතිවන්ත වෙමු.”
