ශූරයින්ගේ කුසලානය තුරුලුකරන් ඉන්දීය ක්‍රීඩකයින් ජය සැමරුවේ මෙහෙමයි (ඡායාරූප)

ශූරයින්ගේ කුසලානය තුන්වන වරටත් තමන් සතුකර ගන්නට ප්‍රබල ඉන්දීය කණ්ඩායමට ඊයේ (09) රාත්‍රියේ හැකියාව ලැබුණා.

ඒ, ඩුබායි හිදී පැවති අවසන් මහා තරගයේ දී නවසීලන්ත කණ්ඩායම කඩුලු 04කින් පරාජය කරමින්.

ශූරයින්ගේ කුසලාන තරගවලියක නවසීලන්තය අනුශූරතාවක් දිනාගත් දෙවන අවස්ථාව මෙය වන අතර, ඔවුන් 2009 වසරේ දී අනුශූරතාවය දිනාගෙන තිබෙනවා.

මේ අතර ඉන්දීය කණ්ඩායම අයි.සී.සීය විසින් සංවිධානය කළ තරගාවලියක ශූරතාව දිනාගත් 07 වන අවස්ථාව ලෙසටයි මෙම ජයග්‍රහණය ඉතිහාසයට එක් වුණේ.

අයි.සී.සීය විසින් වසර 08 කට පසුව පැවැත් වූ මෙවර ශූරයින්ගේ කුසලානය එක්දින තරගාවලියේ ජයග්‍රාහකයන්ට ඇමරිකානු ඩොලර් මිලියන 2.24ක විශාල ත්‍යාග මුදලක් පිරිනමනු ලැබුවා.

ඊයේ පැවැති අවසන් මහා තරගයේ දී පළමුව පන්දුවට පහරදින් නවසීලන්ත නියමිත පන්දුවාර 50 තුළ කඩුලු 07ක් දැවී ලකුණු 251ක් රැස් කළා.

ඒ, අනුව තරගය ජයග්‍රහණය සඳහා ලැබුණු ලකුණු 252ක් ඉලක්කය ඉන්දීය ඉනිමේ තවත් පන්දු 06ක් ඉතිරිව තිබිය දී කඩුලු 06ක් පමණක් දැවී පසුකර ගොස් ඉන්දීය කණ්ඩායම තරගය ජයග්‍රහණය කළා.

2025 ශූරයින්ගේ කුසලානය ජයගත් ඉන්දීය ක්‍රීඩකයින්ගේ ජයපැන් සාදය ඩුබායි ක්‍රීඩාංගණයේ මැදියම් රැය තෙක් පැවති බවයි විදෙස් වාර්තා සඳහන් කළේ.