ශ්‍රී ලංකා A කණ්ඩායම සහ පාකිස්තාන A කණ්ඩායම අතර පැවැත්වෙන නිල නොවන ටෙස්ට් තරගයේ දෙවැනි දිනය නිමාවට පත් වන විට සංචාරක ශ්‍රී ලංකා කණ්ඩායම එක් කඩුල්ලක් දැවී ලකුණු 77ක් සිය දෙවැනි ඉනිම වෙනුවෙන් ලබා සිටිනවා.
තරගය රාවල්පිණ්ඩි නුවර දී පැවැත්වෙන අතර පළමු ඉනිමට පහර දුන් ශ්‍රී ලංකා කණ්ඩායම සියල්ලන් ම දැවී ලකුණු 115ක් ලබාගත්තා.
ඉන් අනතුරුව පාකිස්තාන A කණ්ඩායම සිය පළමු ඉනිමට පිතිකරණය අරඹමින් අද දිනයේ දහවල් වන විට සියලුදෙනාම ලකුණු 258කට දැවී ගියා.
එහිදී ශ්‍රී ලංකා කණ්ඩායම වෙනුවෙන් විශිෂ්ට පන්දු යැවීමක නිරත වූ විශ්ව ප්‍රනාන්දු ලකුණු 44කට කඩුලු 04ක් බිඳ දැමුවා.
කඩුලු 02ක බැගින් ඉසිත විජේසුන්දර සහ නිසල තාරක විසින් බිඳ දැමූ අතර එක් කඩුල්ලක අයිතිය වනුජ සහන් සහ සොනාල් දිනූෂට හිමිවුණා.
පාකිස්තානයේ පළමු ඉනිම වෙනුවෙන් ටෙස්ට් අර්ධ ශතක ත්‍රිත්වයක් වාර්තා වීම ද විශේෂත්වයක්.
එහිදී පිළිවෙළින් Hussain Talat (56), Rohail Nazir (55) ක් සහ Ali Zaryab (55) ලබාගත්තා.
මේ වනවිට ශ්‍රී ලංකා කණ්ඩායම ප්‍රතිවාදී පාකිස්තාන A කණ්ඩායමට වඩා තවත් ලකුණු 66ක් දෙවැනි දිනය අවසානයේ දී රැඳී සිටිනවා.
හෙට (13) තරගයේ තුන්වැනි දිනයයි.
