ශ්‍රී ලංකා දඟ පන්දුව ඉදිරියේ කිවියන් පළමු ඉනිමේ දී අසරණ වෙයි

ශ්‍රී ලංකා – නවසීලන්ත දෙවන ටෙස්ට් තරගයේ නවසීලන්ත පළමු ඉනිම ලකුණු 88කට සීමා කරන්නට ශ්‍රී ලංකා පන්දු යවන්නන්ට හැකියාව ලැබුණා.

නවසීලන්ත පළමු ඉනිම සුණු විසුණු කළ දඟ පන්දු යවන ක්‍රීඩක ප්‍රභාත් ජයසූරිය ලකුණු 42කට කඩුලු 06ක් බිඳ දැමීමට සමත් වුණා.

මීට අමතරව මෙම තරගයේ දී ජාත්‍යන්තර ටෙස්ට් වරම් හිමිකර ගත් යොවුන් දඟ පන්දු යවන ක්‍රීඩක නිශාන් පීරිස් නවසීලන්ත පළමු ඉනිමේ කඩුලු 03ක් බිඳ දැමුවා.

අද දිනය තුළ ලකුණු 66කට නවසීලන්ත ඉනිමේ අවසන් කඩුලු අටම දවාගැනීමට ශ්‍රී ලංකා පන්දු යවන්නන්ට හැකිවීම ද විශේෂත්වයක්.

නවසීලන්ත පළමු ඉනිමේ වැඩිම ලකුණු ලාභියා වූ මිචෙල් සැන්ට්නර් ලකුණු 29ක් රැස්කළ අතර, අනෙක් කිසිඳු පිතිකරුවෙකුට ලකුණු 15 සීමාවට පැමිණීමට හැකියාව ලැබුනේ නැහැ.

ඒ, අනුව ශ්‍රී ලංකාව නවසීලන්ත පළමු ඉනිමට වඩා ලකුණු 514ක් ඉදිරියෙන් පසුවනවා.

ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන මෙම තරගයේ තුන්වන දිනය අදයි.