ලෝකයේ රටවල් 06 ක සම්ප්රදායික නර්තන ශිල්පීන් පිරිසකගේ සහභාගීත්වයෙන් මහනුවර නගරය මුල් කර ගනිමින් පැවැත්වීමට නියමිත ශ්රී ලංකා ජාත්යන්තර ජනකලා උළෙල සඳහා සහභාගී වීමට 17 දෙනෙකුගෙන් සමන්විත එස්තෝනියානු ජාතික නර්තන ශිල්පීන් කණ්ඩායමක් අද (10) උදෑසන කටුනායක ගුවන් තොටුපොළ වෙත පැමිණියා.
ඉන්දියාව, බංගලදේශය, ආමේනියාව, තායිලන්තය, එස්තෝනියාව සහ පෝලන්තය යන රටවල සම්ප්රදායික නර්තන ශිල්පීන් 85 දෙනෙකුගෙන් සමන්විත පිරිසක් සමඟ ශ්රී ලාංකික සාම්ප්රදායික නර්තන ශිල්පීන් එක්ව නර්තන ප්රසංග සහ වීදි නර්තන ප්රසංග මාලාවක් මෙම ශ්රී ලංකා ජාත්යන්තර ජනකලා උළෙලේ දී ඉදිරිපත් කිරීමට නියමිතයි.
එය එළඹෙන 13 වනදා සිට 17 වනදා දක්වා මහනුවර නගරය කේන්ද්ර කර ගනිමින් පැවැත්වීමටයි සැලසුම් කර ඇත්තේ.
මෙම එස්තෝනියානු සාම්ප්රදායික නර්තන ශිල්පීන් පිරිස අද (10) අලුයම 05.45ට තුර්කියේ ඉස්තාම්බුල් නුවර සිට ටී.කේ.- 730 දරණ ගුවන් යානයෙන් කටුනායක ගුවන් තොටුපොළ වෙත පැමිණියා.
ඔවුන් පිළිගැනීම සදහා ශ්රී ලංකා ජාත්යන්තර ජනකලා උළෙලේ සභාපති තරිදු ධනංජය ඇතුළු එම කලා උළෙලේ සංවිධායකවරුන් පිරිසක් කටුනායක ගුවන් තොටුපොළ වෙත පැමිණ සිටියා.
