ශ්රී ලංකා ක්රිකට් ආයතනයේ පුහුණුකාර ධුරයක් භාර ගන්නා බවට පළ වන වාර්තා දකුණු අප්රිකානු ක්රිකට් පුහුණුකරු ජොන්ටි රෝඩ්ස් ප්රතික්ෂේප කර තිබෙනවා.
විධායක කමිටු තීරණ සම්බන්ධයෙන් ඊයේ නිවේදනයක් නිකුත් කරමින් ශ්රී ලංකා ක්රිකට් ආයතනය ප්රකාශ කළේ දේශීය පුහුණුකරුවන්, භෞතචිකිත්සකයින් සඳහා ඔවුන්ගේ කුසලතා සහ නිපුණතා වැඩි දියුණු කිරීමට උසස් පුහුණුවක් ලබාදීම වෙනුවෙන් ජාත්යන්තර ක්රිකට් ක්රීඩාවේ ප්රකට දක්ෂයින් කිහිප දෙනෙකුගේ සේවය ලබා ගැනීමට තීරණය කර ඇති බවයි.
තෝරාගත් ප්රදේශවල වරින් වර පුහුණු වැඩසටහන් පැවැත්වීම ද ඊට අයත්.
මේ සඳහා විශේෂඥ පන්දු රැකීමේ පුහුණුකරුවෙකු වන හිටපු දකුණු අප්රිකානු ක්රිකට් ක්රීඩක ජොන්ටි රෝඩ්ස්, හිටපු ඉන්දීය වේගපන්දු යැවීමේ පුහුණුකරු භාරත් අරුන් සහ ශ්රී ලංකා ජාතික කණ්ඩායමේ හිටපු භෞත චිකිත්සක ඇලෙක්ස් කවුන්ටූරිගේ සේවය ලබා ගැනීමට විධායක කමිටුව තීරණය කර ඇති බවයි ක්රිකට් ආයතනය සඳහන් කර තිබුණේ. මෙම වැඩසටහන මේ වසරේ ආරම්භ කරන බව ශ්රී ලංකා ක්රිකට් ආයතනය වැඩිදුරටත් ප්රකාශ කළා.
මෙරට ක්රීඩා වෙබ් අඩවියක් අදාළ පුවත සම්බන්ධයෙන් කළ වාර්තාවට ට්විටර් සමාජ මාධ්ය ඔස්සේ ප්රතිචාර දක්වමිනුයි ජොන්ටි රෝඩ්ස් එය ප්රතික්ෂේප කළේ. මෙය තමාට ද පුවතක් බවයි ඔහු ප්රකාශ කර තිබුණේ.
wpDiscuz
