මෙම වසරේ දී ශ්රී ලංකා ක්රිකට් කණ්ඩායමට මෙම වසරේ දී අඩු ටෙස්ට් තරග සංඛාවක් හිමිවීම සම්බන්ධයෙන් තමන් කණගාටුවට පත්වන බව ශ්රී ලංකා ටෙස්ට් කණ්ඩායමේ නායක ධනංජය ද සිල්වා පවසනවා.
එම තත්ත්වය පාලනය කිරීමට නොහැකි බවත්, සිදුකළ යුත්තේ ලැබෙන සෑම තරගයක්ම හොඳින් ක්රීඩාකර පෙන්වීම බවයි ඔහු සඳහන් කළේ.
හෙට (29) ආරම්භවන වොන් – මුරලි ටෙස්ට් තරගාලියට පෙර ගාල්ල ජාත්යන්තර ක්රිකට් ක්රීඩාංගණයේ දී අද (28) පැවති මාධ්ය හමුවක දී ධනංජය මේ බව සඳහන් කළා.
මේ අතර තරග දෙකකින් සමන්විත මෙම ටෙස්ට් තරගාවලිය ජයගෙන ටෙස්ට් ලෝක ශුරතාවේ ප්රසාද ලකුණු සටහනේ තුන්වන ස්ථානයට පැමිණ ටෙස්ට් ලෝක ශුරතාව අවසන් කිරීම තම කණ්ඩායමේ අරමුණ බවයි ඔහු වැඩිදුරටත් පැවසුවේ.
මෙවර ටෙස්ට් ලෝක ශුරතාවේ අවසන් මහා තරගය සඳහා පැමිණීමට ශ්රී ලංකාවට වැඩි අවස්ථාවක් පැවති බවත්, පාකිස්ථානය සමඟ මව්බිමේ දී පැවති ටෙස්ට් තරගාවලිය පරාජයට පත්වීම එම අවස්ථාව ගිලිහී යාමට ප්රධාන හේතුව වූ බවයි නායක ධනංජය ද සිල්වා මෙහිදී සඳහන් කර සිටියේ.
මේ අතර ආරම්භක පිතිකරු පැතුම් නිස්සංක හෙට ආරම්භ වන පළමු ටෙස්ට් තරගය සඳහා ක්රීඩා නොකරන බවයි ධනංජය පැවසුවේ.
