ශ්‍රී ලංකාව සමඟ ආරම්භ වීමට නියමිත ටෙස්ට් තරගවලිය දකුණු අප්‍රිකානු වේග පන්දු යවන ක්‍රීඩක ලුන්ගි ඉන්ගිඩිට අහිමිව යන බව වාර්තා වනවා.
ඔහුගේ ඉන ප්‍රදේශයේ ඇති වී තිබෙනවා ආබාධයෙක් හේතුවෙන් මෙලෙස එම තරගාවලිය අහිමිව යන බවයි ක්‍රීඩා මාධ්‍ය වාර්තා කළේ.
ඔහු මේ වනවිට පුනරුත්ථාපන වැඩසටහනක් ආරම්භ කර ඇති අතර, ලබන ජනවාරි මාසයේ දී නැවත ඔහු සිය පුහුණුවීම් ආරම්භ කරනු ඇති බවයි තොරතුරු වාර්තා වුණේ.
සංචාරක ශ්‍රී ලංකා කණ්ඩායම සහ දකුණු අප්‍රිකාව අතර තරග දෙකකින් සමන්විත ටෙස්ට් තරගාවලිය එළඹෙන 27 වනදා ආරම්භ වනවා.
මේ අතර මෙම ආබාධ තත්ත්වයත් සමඟ ලුන්ගි ඉන්ගිඩිට පාකිස්තානයට එරෙහිව පැවැත්වෙන සියලුම ආකාරයේ තරගාවලිවලින් ඉවත්ව සිටීමට සිදුවනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
