ශ්රී ලංකාව තුළ පළමු වරට T10 තරගාවලියක් පැවැත්වීමට සැලසුම් සකස් වී තිබෙනවා.
ශ්රී ලංකා ක්රිකට් අධ්යක්ෂ මණ්ඩලය නිවේදනය කළේ එම තරගාවලිය දෙසැම්බර් මස අග භාගයේ දී පැවැත්වීමට කටයුතු යොදා ඇති බවයි.
T10 සුපර් ලීග් ක්රිකට් තරගාවලියේ ක්රීඩක කෙටුම්පත් කිරීමේ අවස්ථාව හෙවත් ක්රීඩකයින් තෝරා ගැනීමේ කටයුතු නොවැම්බර් 10 වනදා කොළඹ දී සිදු කිරීමට නියමිත බව ඊයේ (29) දින නිවේදනය කෙරුණා.
දෙස් විදෙස් සුපිරි ක්රිකට් තරු රැසක් එක්වන මෙම තරගාවලිය දෙසැම්බර් මස 12 වනදා සිට 22 වනදා දක්වා කණ්ඩායම් 06ක සහභාගිත්වයෙන් පැවැත්වීමට නියමිතයි.
තරගාවලිය වෙනුවෙන් ක්රීඩකයින්ට නොවැම්බර් මස පළමු වනදා සිට ලියාපදිංචි වීමේ හැකියාව පවතිනවා.
මෙම තරගාවලිය දකුණු අප්රිකාවේ පැවැත්වෙන ටෙස්ට් තරගාවලිය සහ නවසීලන්තයට එරෙහිව පැවැත්වෙන පන්දුවාර 20 ක්රිකට් තරගාවලිය අතරමැද ඊට බාධාවක් නොවන අයුරින් පැවැත්වෙනු ඇති.
මෙම තරගාවලිය දෙසැම්බර් 12-22 අතර කාලයේ දී පැවැත්වීමටයි සූදානම් කර ඇත්තේ.
