Empty Ad
AFC Banner
Empty Ad

ශ්‍රී ලංකාවේ නව ඉන්දීය මහ කොමසාරිස් සහ කථානායකවරයා අතර හමුවක්

ශ්‍රී ලංකාවේ නව ඉන්දීය මහ කොමසාරිස් සන්තෝෂ් ජා මහතා කථානායක මහින්ද යාපා අබේවර්ධන මහතා හමුවී සාකච්ඡා කර තිබෙනවා.

මේ අවස්ථාව සඳහා ශ්‍රී ලංකා පාර්ලිමේන්තුවේ වැඩබලන මහලේකම් චමින්ද කුලරත්න මහතා ද එක්වුණා.

මෙම හමුවේදී නව මහ කොමසාරිස්වරයාට සුබ පැතුම් එක් කළ කථානායකවරයා, ශ්‍රී ලංකාව සඳහා අඛණ්ඩව සහය ලබා දීම සම්බන්ධයෙන් ඉන්දියාවට ස්තුතිය පළ කළා. ශ්‍රී ලංකාව අසීරු තත්ත්වයකට මුහුණ දී සිටින අවස්ථාවක ඉන්දියාව ලබාදුන් සියලු ආධාර පිළිබඳව තමන් කෘතවේදී වන බවයි කථානායකවරයා පැවසුවේ.

මීට පෙර ශ්‍රී ලංකාවේ රාජකාරී කළ, කාලය පිළිබඳ මතකයන් සිහිපත් කළ ඉන්දීය මහ කොමසාරිස් සන්තෝෂ් ජා මහතා, පෙර පැවති තත්ත්වයට වඩා වත්මන් තත්ත්වයේ දැවැන්ත වෙනස්කම් නිරීක්ෂණය කිරීමට තමන්ට හැකි වූ බව සඳහන් කළා. දෙරට අතර සමගිය ප්‍රවර්ධනය කිරීමට ඉන්දියාව කැපවී සිටින බවත් ශ්‍රී ලංකාවට අවශ්‍ය සහය අඛණ්ඩව ලබාදීමට ඉන්දියාව සූදානම් බවයි මහ කොමසාරිස්වරයා කියාසිටියේ.

ඩිජිටල් ඉන්දියා වැඩසටහනේ සාර්ථකත්වය සහ ඉන් ඉන්දියාවට අත්වන ප්‍රතිලාභ පිළිබඳව ඉන්දීය මහ කොමසාරිස්වරයා දීර්ඝ කරුණු පැහැදිලි කර තිබෙනවා. එමෙන්ම ශ්‍රී ලංකාවේ බලශක්ති ක්ෂේත්‍රයේ දියුණුව සඳහා ආයෝජන සිදුකිරීමට ඉන්දියාව සූදානම් බවත් එමගින් දෙරටටම ප්‍රතිලාභ හිමිවන බව ඔහු පෙන්වා දුන්නා.

ශ්‍රී ලංකාවේ ඩිජිටල් ක්‍ෂේත්‍රය දියුණු කිරීමට සහය වන ලෙසට කථානායකවරයා මෙහිදී නව මහ කොමසාරිස්වරගෙන් ඉල්ලා සිටි අතර පසුගිය දා ඉන්දියාවේ කළ සංචාරයේදී ඉන්දියාවේ යටිතල පහසුකම්වල ශීඝ්‍ර සංවර්ධනය දැක බලා ගැනීමට හැකි වූ බව ද සඳහන් කළා. එමෙන්ම මේ වන විට මෙරට ප්‍රජාතන්ත්‍රවාදය සම්බන්ධයෙන් ශ්‍රී ලංකාව ලබා ඇති ප්‍රගතිය පිළිබඳව අදහස් දැක්වූ කථානායකවරයා ආංශික අධීක්ෂණ කාරක සභා සඳහා තරුණ සහභාගිත්වය ඉහළ නැංවීමට ගත් උත්සාහය සම්බන්ධයෙන් ද කරුණු පැහැදිළි කර තිබෙනවා.

දෙරටේ පාර්ලිමේන්තු අතර සබඳතා ශක්තිමත් කිරීමටත් පාර්ලිමේන්තු මන්ත්‍රීවරුන් සහ පාර්ලිමේන්තු කාර්ය මණ්ඩලය සඳහා හුවමාරු වැඩසටහන් වැඩි කිරීමටත් ඉදිරියේදී පියවර ගන්නා බවයි මෙහිදී ඉන්දීය මහ කොමසාරිස්වරයා කියාසිටියේ.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Oldest
Newest Most Voted
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
වැස්සත් අරගෙනම නාමල් සෙන්කඩගල නුවරට
Video thumbnail
මාලිගාවත්තට ගිහින් සජිත් කතා කරද්දී සජිත්ගේ පිටියට ආපු ප්‍රබලයා
20:00
Video thumbnail
පන්නල බලය අල්ලන්න පුටුවෙන් එන තරුණයාගේ කතාව
29:34
Video thumbnail
බටලන්දේ ඇසින් දුටු සාක්ෂියක් CIDයට එයි
08:18
Video thumbnail
රාජාංගනේ හිමිට වැඩ වරදියි - දැන් එයාගේ නම අනුර සුසන්ත ද සිල්වා
18:13
Video thumbnail
ඇමති නලින්ද හා මාධ්‍යවේදියා ඇවිලෙයි - සුපිරි ජාවාරම නිසා කැබිනෙට්ටුව උණුසුම් වෙයි
02:42
Video thumbnail
පුටුවෙන් ඡන්දේ ඉල්ලනවා කියලා මගේ නම දාලා - මොනවද මේ කැත වැඩ
03:53
Video thumbnail
විමල්ට උත්තර දෙන්න හඳුන් මාධ්‍ය කැඳවයි - ඇමතිට මාධ්‍ය හමුවේ හොඳටම තදවෙයි
17:17
Video thumbnail
මහ ඇමති කරපු දේ එළියට ආපු හැටි - අකුරක් නෑර මෙන්න හැමදේම එක පෙළට
04:29
Video thumbnail
සම්බාධක ගැන කැබිනට් ප්‍රකාශක කට අරියි
03:40
<p>?</p>