ශ්රී ලංකාවට සහාය ලබාදීමේ දී කිසිදු දේශපාලන කොන්දේසියක් තබා ගනිමින් සිය සහාය පිරිනොනැමූ බව ඉන්දීය රජය පවසනවා.
අසල්වාසී මිත්ර රාජ්යය දැඩි ආර්ථික අර්බුදයක ගිලී සිටින මොහොතකදී දුන් සහාය තුළ එවන් කිසිදු දේශපාලනික අරමුණක් නොවූ බවයි ඉන්දීය විදේශ අමාත්ය එස්. ජයිශංකර් මහතා පැවසුවේ.
කිසිම විටෙකත් තම රට අසල්වාසීන්ගේ දේශපාලනය පාලනය කිරීමට අපේක්ෂා නොකරන බව ද හෙතෙම අවධාරණය කර තිබෙනවා.
ඉන්දීය විදේශ අමාත්යවරයා මේ බව සඳහන් කර ඇත්තේ ශ්රී ලංකාවේ දේශපාලනය එරට දේශපාලනයට තර්ජනයක් ද යන ප්රශ්නයට පිළිතුරු ලෙසයි.
ශ්රී ලංකාවේ දේශපාලන පෙරළිය එරට ජන මතයේ අවශ්යතාව මිසෙක එය ඉන්දියාවට කෙලෙසකවත් තර්ජනයක් නොවන බව ද ඉන්දීය විදේශ අමාත්යවරයා පවසා තිබෙනවා.
අසීරු ආර්ථික අර්බුදයක ගිලී සිටින විට ඉන්දීය රජය මගින් අමෙරිකානු ඩොලර් බිලියන 4.5ක මුදලක් ලබාදීම මගින් ශ්රී ලංකා ආර්ථිකය යළි යම්තාක් දුරකට හෝ පණ ගසා නැගී සිටින ආකාරය දක්නට ලැබීම ගැන සතුටු වන බවයි ඉන්දීය රජය සඳහන් කර ඇත්තේ.
