බංග්ලාදේශ තුන් ඉරියව් ක්රීඩක ශකීබ් අල් හසන්ට දඩ මුදලක් සහ සිය පෞද්ගලික ක්රීඩක ලකුණු ගොන්නට සෘණ ලකුණක් එක් ව තිබෙනවා.
ක්රීඩා මාධ්ය වාර්තා කරන්නේ ඊට හේතු වී ඇත්තේ බංග්ලාදේශය සහ පාකිස්තානය අතර රාවල්පිණ්ඩි හි දී පැවති පළමු ටෙස්ට් තරගය අතරතුර දී ශකීබ් අල් හසන් පන්දු යැවීමට ඒමේදී පාකිස්තාන ක්රීඩක මොහොමඩ් රිස්වාන් දෙසට කේන්තියකින් යුතුව පන්දුව දමා ගැසීමේ සිද්ධිය බවයි.
ඒ අනුව ජාත්යන්තර ක්රිකට් කවුන්සිලය විසින් ශකීබ්ට සිය තරග ගාස්තුවෙන් සියයට 10ක දඩ මුදලක් සහ ඔහුගේ පෞද්ගලික ලකුණු එකතුවට එක් අවාසි ලකුණක් එක් කර තිබෙනවා.
ICC ආචාරධර්ම පළමු වන මට්ටම කඩකිරීම සම්බන්ධයෙන් චෝදනා එල්ල වූ ශකීබ් තරගයේ ඉනිම් දෙකෙහිදිම කඩුලු 04ක් පාකිස්ථානයේ බිඳ දමන්නට ද සමත් වුණා.
රිස්වාන් සිය දෙවැනි ඉනිමට ක්රීඩා කරමින් සිටියදී ඔහු පන්දුවට පහරදීමට තවදුරටත් සූදානම් නොවුණු බව සංඥා කිරීමත් සමගිනුයි ශකීබ් සිය පන්දුවෙන් රිස්වාන් දෙසට දමා ගසන්නේ.
මෙම සිදුවීමේ දී ශකීබ් යොමු කළ පන්දුව රිස්වාන්ගේ හිසට ඉහළින් ඇඳී යන අතර එය කඩුලු රකින ක්රීඩක ලිට්න් දාස් විසින් රැකගනු ලැබුවා.
පසුව තරගයේ විනිසුරු රිචඩ් කෙට්ල්බරෝ විසින් ද ශකීබ්ගේ ක්රියාවට තරවටු කරන ආකාරයක් දක්නට ලැබුණා.
