අමෙරිකාවේ ධවල මන්දිරයේ සිට කිලෝමීටර් 05ක දුරින් ජෙට් යානයක් සහ හෙලිකොප්ටර් යානයක් එකිනෙක ගැටීමෙන් සිදු වූ ගුවන් අනතුරකින් පුද්ගලයින් 18 දෙනෙකු මියගොස් ඇති බව විදෙස් මාධ්ය වාර්තා කරනවා.
මෙම අනතුරත් සමග අදාළ යානා දෙක පොටෝමැක් ගංගාවට ඇද වැටී තිබෙනවා.
අද (30) වන විට එම ගංගාවට වැටුණු යානාවල මියගොස් සිටි මගීන් 18 දෙනෙකුගේ සිරුරු සොයාගැනීමටයි වොෂින්ටන් ආරක්ෂක අංශ සමත් වූයේ.
මෙම ජෙට් යානාවේ අවම වශයෙන් මගීන් 60 දෙනෙකු සමග කාර්යය මණ්ඩල සාමාජිකයින් සිව්දෙනෙකු සිට තිබෙනවා.
හෙලිකොප්ටර් යානාව අමෙරිකානු ගුවන් සේවයට අයත් එකක් බවත් එහි සොල්දාදුවන් තිදෙනකු ගමන් කරමින් සිට ඇති බවත් විදෙස් මාධ්ය වාර්තාවල සඳහන්.
වොෂින්ටන් ඩීසී අසල රොනල්ඩ් රේගන් ජාත්යන්තර ගුවන්තොටුපොළට ජෙට් යානාවක් ගොඩබැස්සවීමට උත්සාහ කිරීමේ දීයි එය ගුවන්හමුදා හෙලිකොප්ටරයේ ගැටී ඇත්තේ.
එරට වේලාවෙන් ඊයේ රාත්රී 9ට පමණ එය සිදු ව ඇති අතර PSA ගුවන් සේවයේ බොම්බාර්ඩියර් (Bombardier) CRJ700 ජෙට් යානය ගොස් ගැටී ඇත්තේ සිකෝර්ස්කි UH-60 බ්ලැක් හෝක් හෙලිකොප්ටරයක බව ෆෙඩරල් ගුවන් සේවා පරිපාලනය (FAA) ප්රකාශ කළා.
