එක්සත් ජනපද හමුදා වෙනිසියුලා ජනාධිපති මදුරෝ සහ ඔහුගේ බිරිඳ අල්ලා ගත් විට “නිර්භීත කියුබානු සටන්කරුවන්” 32 දෙනෙකු මිය ගිය බව කියුබානු රජය පවසනවා.
මදුරෝගේ දිගුකාලීන සමාජවාදී සගයෙකු වන කියුබාව දින දෙකක ජාතික ශෝක කාලයක් ද මේ වනවිට ප්රකාශයට පත් කර තිබෙනවා.
මේ අතර ඇමරිකානු ජනාධිපති ඩොනල්ඩ් ට්රම්ප් විසින් වෙනිසියුලාවේ නව නායිකා ඩෙල්සි රොඩ්රිගස්ට අනතුරු ඇඟවීමක් කර තිබෙනවා.
The Atlantic පුවත්පත සමඟ සම්මුඛ සාකච්ඡාවකදී ට්රම්ප් ජනාධිපතිවරයා පවසා ඇත්තේ, ඇය හරි දේ නොකළහොත්, ඇයටද ඉතා විශාල මිලක් ගෙවීමට සිදුවනු ඇති බවයි.
බොහෝ විට එය මදුරෝට වඩා විශාල මිලක් විය හැකි බවයි ඩොනල්ඩ් ට්රම්ප් එම සම්මුඛ සාකච්ඡාවේදී පවසා ඇත්තේ.
වෙනිසියුලාව සඳහා, “පාලන තන්ත්ර වෙනසක්, ඔබට එය හැඳින්වීමට අවශ්ය ඕනෑම දෙයක්, ඔබට දැන් ඇති දෙයට වඩා හොඳයි. තවත් එය නරක අතට හැරිය නොහැකියි.” යනුවෙන් ඔහු වැඩිදුරටත් පවසා තිබෙනවා.
එමෙන්ම ආරක්ෂිත සහ විචක්ෂණශීලී සංක්රාන්තියක් වෙනිසියුලාව තුළ ඇති වන තුරු එක්සත් ජනපදය, වෙනිසියුලාව පාලනය කරන බවයි ට්රම්ප් පවසා ඇත්තේ.
මේ අතර අමෙරිකානු ආධිපත්ය නැවත ස්ථාපිත කිරීම සඳහා ඩොනල්ඩ් ට්රම්ප් පරිපාලනයේ ඊළඟ ඉලක්කය කියුබාව විය හැකි බව ඇමරිකානු රාජ්ය ලේකම් මාර්කෝ රුබියෝ ඉඟි පළ කරනවා.
