වෙන්නප්පුව ප්රදේශයේ දී පුද්ගලයෙකු කපා කොටා, වෙඩි තබා ඝාතනය කිරීමේ සිද්ධිය සම්බන්ධයෙන් සැකරුවෙක් අද (31) පස්වරුවේ අත්අඩංගුවට ගත් බව වෙන්නප්පුව පොලිසිය සඳහන් කළා.
මෙම අපරාධයට සම්බන්ධ තවත් සැකකරුවන් දෙදෙනෙක් ප්රදේශයෙන් පළාගොස් ඇති බවයි බවයි වාර්තා වන්නේ.
අත්අඩංගුවට ගැනුණු සැකකරු සමඟ අපරාධය සඳහා යොදාගත් බවට සැක කෙරෙන ගිනි අවිය, කඩුවක් සහ ඔවුන් පැමිණි බව කියන මෝටර් රථය ද පොලිසිය විසින් සිය භාරයට ගෙන තිබෙනවා.
වෙන්නප්පුව ප්රදේශයේ දී අත්අඩංගුවට ගැනුණු මෙම සැකකරු වයස අවුරුදු 35ක අයෙක් බවයි වාර්තා වුණේ.
වෙන්නප්පුව පොලිස් ස්ථානය අසල වැව පාර ප්රදේශයේ දී අද පෙරවරු 10.30ට පමණ මෙම අපරාධය සිදුව තිබුණා.
මෝටර් රථයකින් පැමිණි පිරිසක් යතුරුපැදියකින් ගමන්ගත් දෙදෙනෙක් හප්පා අනතුරට ලක්කර ඔවුන්ට තියුණු ආයුධවලින් පහර දී වෙඩි තබා තිබුණා.
එහිදී එම ස්ථානයේදීම එක් පුද්ගලයෙක් මියගොස් ඇති අතරම අනෙක් පුද්ගලයා පලාගොස් ඇති බවයි තොරතුරු වාර්තා වුණේ.
මෙලෙස ඝාතනය ලක්වූ පුද්ගලයා මහාධිකරණ නඩුවකට අදාළව වෙන්නප්පුව පොලිසියට පැමිණ යළි ගමන් ගනිමින් සිටි පුද්ගලයෙකු බවයි පොලිසිය පැවසුවේ.
ඔහුගේ නඩුව සම්බන්ධයෙන් වන අවසන් තීන්දුව ලබන මස 09 වැනිදා ලබාදීමට නියමිතව තිබූ බවයි තොරතුරු වාර්තා වුණේ.
