විෂ රසායන රැගෙන ගිය බවුසර් යොදා ගනිමින් ආහාර පිසින තෙල් ප්රවාහනය කළ බවට එල්ල වන චෝදනා සම්බන්ධයෙන් විමර්ශනයක් කරන බව චීන රජය පවසනවා.
ඉන්ධන ප්රවාහනය සඳහා භාවිතා කරන ටැංකිවල පිසින තෙල් සහ සිරප් වැනි ආහාර නිෂ්පාදන රැගෙන යන බවත් ඒවා නිවැරදිව පවිත්ර නොකරන බවත් පළමුවෙන්ම වාර්තා කළේ බීජිං හි පුවත්පතක් විසින්.
දූෂිත ඉන්ධන ට්රක් රථවල පිසින තෙල් ප්රවාහනය කිරීම කෙතරම් පුළුල්ව පැවතියේදැයි කියනු ලැබුවේ එය කර්මාන්තයේ “විවෘත රහසක්” ලෙස සලකනු ලැබූ බව පුවත්පත විසින් උපුටා දක්වන ලද එක් රියදුරෙකු පවසනවා.
මෙම සිද්ධිය ආහාර සුරක්ෂිතතා ප්රමිතීන් බලාත්මක කිරීමට චීන රජයට ඇති හැකියාව කෙරෙහි මහජන විශ්වාසයට එල්ල වූ නවතම පහරක් ලෙසයි සැලකෙන්නේ.
මෙම මතභේදය පසුගිය දිනවල චීන සමාජ මාධ්යවල ප්රමුඛ පෙළේ මාතෘකාව වුණා.
Weibo හි මේ සම්බන්ධයෙන් දස දහස් ගණනක් අදහස් පළ කර තිබූ බව BBC වෙබ් අඩවිය වාර්තා කරනවා.
බොහෝ දෙනෙක් එය සංසන්දනය කළේ 2008 සන්ලු කිරි ගැටලුවට වන අතර, එහි දී දරුවන් 300,000 ක් පමණ රෝගාතුර වූ අතර මෙලමයින් ඉහළ මට්ටමකින් අඩංගු වූ දූෂිත කිරිපිටි පානය කිරීමෙන් අවම වශයෙන් 06 දෙනෙකු මිය ගියා.
