එක්සත් ජාතීන්ගේ සංවිධානයේ මානව හිමිකම් කොමසාරිස් ‘ අල් හුසේන් කුමරු’ ශ්රී ලංකාවට පැමිණීමට විරුද්ධත්වය දක්වමින් එක්සත් ජාතීන්ගේ සංවිධානයේ මෙරට පිහිටි කාර්යාල අවට මාර්ග ඇතුළු සෙසු ප්රධාන මාර්ග අවහිර කරමින් සිදු කළ විරෝධතා හේතුවෙන් චෝදනා ලැබූ හිටපු අමාත්ය විමල් වීරවංශ මහතා ඇතුළු සැකකරුවන් සය දෙනාට අදාළ නඩුවේ වැඩිදුර සාක්ෂි කැඳවීම කල් තැබීමට නියෝග හිමි ව තිබෙනවා.
දසත අධිකරණ වාර්තාකරු පැවසුවේ; එම නියෝගය ප්රකාරව අද (28) එම නඩුව කැඳවූ අවස්ථාවේ දී නඩුව නොවැම්බර් මස 25 වැනි දින තෙක් කල් තබන ලෙසට කොළඹ ප්රධාන මහේස්ත්රාත් විනිසුරු තිළිණ ගමගේ මහතා නියෝග කළ බවයි.
එම නඩුවේ සාක්ෂි විභාගය සඳහා නඩුවේ ප්රධාන සැකකරු වන විමල් වීරවංශ මහතා තමා උණ රෝගයෙන් පෙළෙන බැව් සිය නීතිඥවරයා මාර්ගයෙන් අධිකරණයට දන්වා තිබෙනවා.
නඩුවේ සෙසු සාක්ෂිකරුවන් පැමිණ සිටියද; අදාළ නඩුවට ප්රධාන සාක්ෂිකරු නොමැති වීම හේතුවෙන් මහේස්ත්රාත් විනිසුරුවරයා දැනුම්දුන්නේ එම සාක්ෂිකරුවන්ට ද නොවැම්බර් 25 වැනි දින යළි අධිකරණය හමුවේ පෙනී සිටිය යුතු බවයි.
චෝදනා ලැබ සිටින හිටපු අමාත්ය විමල් වීරවංශ මහතා වෙනුවෙන් ජනාධිපති නීතිඥ ජයන්ත වීරසිංහ මහතා පෙනී සිටිනවා.