රජයට අය විය යුතු විශාල තීරු බදු මුදලක් අහිමි කරමින් හොර රහසේ මෙරටට ගෙන්වන ලද විවිධ වර්ගයේ නීතිවිරෝධී දුම්වැටි තොගයක් සමග පුද්ගලයෙකු පොලිස් විශේෂ කාර්ය බලකා නිලධාරීන් අත්අඩංගුවට ගෙන තිබෙනවා.
මෙම වැටලීම සිදු කර ඇත්තේ විශේෂ කාර්ය බලකාය විශේෂ මෙහෙයුම් අංශ iii හි ස්ථානාධිපති පොලිස් පරීක්ෂක ආර්.ඒ.ඩී.ඒ. රණසිංහ ඇතුළු නිලධාරීන් කණ්ඩායමක් විසින් මීගමුව පොලිස් වසමේ මීගමුව බන්ධනාගාර පාර, එකමුතු පාර – කෙලවර ප්රදේශයේ දීයි.
එහිදී සැකකරු සන්තකයේ තිබී දුම්වැටි 21,200ක් සොයාගෙන තිබෙනවා.
එම දුම්වැටි වර්ග අතර Manchester red වර්ගයේ දුම්වැටි 400 ක්, Manchester double drive වර්ගයේ දුම්වැටි 1,600 ක් සහ Platinum seven වර්ගයේ දුම්වැටි 19,200 ක් සමගින් දුම්වැටි 21,200 ක තොගයක් තිබී ඇති බවයි පැවසෙන්නේ.
මෙම දුම්වැටි අලෙවිය සඳහා වෑන් රථයකින් ප්රවාහනය කරමින් සිටියදී සැකකරුව අත් අඩංගුවට ගෙන ඇත්තේ.
සැකකරු 43 හැවිරිදි අයෙක් වන අතර සිද්ධිය සම්බන්ධයෙන් මීගමුව පොලිස් ස්ථානය වැඩිදුර විමර්ශන සිදු කරනවා.
