විදුලි ගාස්තුව ඉහළ දමයි

2026 වසරේ දෙවන කාර්තුව සඳහා වන විදුලි ගාස්තුව ඉහළ දැමීමට ශ්‍රී ලංකා මහජන උපයෝගිතා කොමිෂන් සභාව අවසර ලබා දී තිබෙනවා.

ඒ අනුව ඒකක 0-30 අතර 4.3%කින්, ඒකක 31-60 අතර 6.9 %කින්, ඒකක 61-90 අතර 6.9%කින් සහ ඒකක 91-180 අතර 7.2% ද ඒකක 180 වැඩි නම් 25% කින් විදුලි ගාස්තු ඉහළ යනවා.

මහජන උපයෝගිතා කොමිෂන් සභාවේ මේ වනවිට පැවැත්වෙන විශේෂ ප්‍රවෘත්ති සාකච්ඡාවක දී එහි සභාපති මහාචාර්ය කේ. පී.එල්. චන්ද්‍රලාල් මේ බව දැනුම් දුන්නා.

මේ අතර මාසික ඒකක පරිභෝජනය ඒකක 180ට අඩු ආගමික සහ පුණ්‍ය ආයතන සඳහා විදුලි ගාස්තු ඉහළ නොදැමීමට පියවර ගෙන ඇති බවයි සභාපතිවරයා සඳහන් කළේ.

එමෙන්ම ආගමික සහ පුණ්‍ය ආයතනවල ඒකක 180ට වැඩි විදුලි පරිභෝජනයක් සඳහා පමණක් 9.6%ක විදුලි ගාස්තු ඉහළ නැංවීමක් සඳහා ද අනුමැතිය ලබා දීමට ශ්‍රී ලංකා මහජන උපයෝගීතා කොමිසම අවසර ලබා දී තිබෙනවා.

මේ අතර ස්ථාවර ගාස්තුවේ වෙනස් සිදුනොවන බව මහජන උපයෝගීතා කොමිසමේ සභාපතිවරයා අවධාරණය කළා.

මෙම නව විදුලි ගාස්තු සංශෝධනය අප්‍රේල් මස 01 වන දින සිට ක්‍රියාත්මකයි.

විදුලි ගාස්තු 13.56%කින් ඉහළ දැමීම සඳහා රජය, ශ්‍රී ලංකා මහජන උපයෝගිතා කොමිෂන් සභාවෙන් අවසර ඉල්ලා තිබුණා.