කොළඹ නව නගරාධිපතිනි ලෙස පත් වුණු ව්රායි කැලි බල්තසාර් මහත්මිය අද (18) එම ධුරයේ වැඩ ආරම්භ කර තිබෙනවා.
2025 පළාත් පාලන මැතිවරණයේදී වැඩි අවධානයක් යොමව තිබුණු අපේක්ෂිකාව වූ ජාතික ජන බලවේගයේ ව්රායි කැලී බල්තසාර් මහත්මිය කොළඹ මහ නගර සභාවේ නගරාධිපතිනිය ලෙස බහුතර මන්ත්රීවරුන්ගේ මනාපයෙන් පෙරේදා (16) දින තේරී පත් වුණා.
රහස් ඡන්දයෙන් ඡන්ද 61ක් දිනා ගනිමින් කොළඹ 26 වන පුරපතිනිය බවට පත්වීමටයි බල්තසාර් මහත්මියට හැකි වූයේ.
ව්රායි කැලී බල්තසාර් මහත්මිය කොළඹ මහ නගර සභාවේ දෙවන පුරපතිනිය ලෙස ඉතිහාසයට එක්වන අතර හිටපු නගරාධිපතිනි රෝසි සේනානායක කොළඹ නගර සභාවට පත් වූ පළමු නගරාධිපතිවරිය ද වනවා.
මීට සමගාමීව නියෝජ්ය නගරාධිපතිවරයා ද දිවුරුම් දීම සහ වැඩ භාරගැනීම අද සිදු කෙරුණා.
අමාත්ය සුනිල් හඳුන්නෙත්ති, නියෝජ්ය අමාත්ය සුනිල් වටගල ඇතුළු පිරිසක් මෙම අවස්ථාවට එක් වුණා.
මේ අතර කොළඹ එක්සත් ජාතික පක්ෂයේ නගර සභා මන්ත්රීවරියකට පහරදීමේ සිදුවීමට මාලිමා පක්ෂය සම්බන්ධ නැති බවත්, එය පෞද්ගලික කෝන්තරයකට සිදු වූ එකක් බව විමර්ශනවලින් හෙළි වී ඇති බව ද සුනිල් වටගල අමාත්යවරයා මෙහිදී වැඩිදුරටත් සඳහන් කළා.
