“වසර 17ක කාලයක් ලබාදුන් සහයෝගයට ස්තූතියි” – රොස් ටේලර් ජාත්‍යන්තර ක්‍රිකට් පිටියට සමුදෙයි

නවසීලන්තයෙන් බිහි වූ සුපිරි පිතිකරුවෙකු වන රොස් ටේලර් ජාත්‍යන්තර ක්‍රිකට් පිටියට සමුදීමට තීරණය කර ඇති බව වාර්තා වනවා.

37 හැවිරිදි ටේලර් සිය නිල ට්විටර් ගිණුමට සටහනක් එක්කරමින් පවසා තිබුණේ එළඹෙන බංග්ලාදේශ කණ්ඩායමේ නවසීලන්ත සංචාරය තමන්ගේ අවසන් ටෙස්ට් තරගාවලිය බවයි.

එමෙන්ම ලබන අප්‍රේල් සහ මාර්තු මාසවල ඕස්ට්‍රේලියාව සහ නෙදර්ලන්ත කණ්ඩායම් සමග පැවැත්වෙන තරගාවලිය රොස් ටේලර් නවසීලන්ත කණ්ඩායම නියෝජනය කරමින් සහභාගී වන අවසන් එක්දින තරගාවලිය ද වනවා.

වසර 17ක කාලයක් ලබාදුන් සහයෝගයට ස්තූතිය පුදකරන රොස් ටේලර් පවසන්නේ තම මව්රට නියෝජනය කිරීමට ලැබීම ගෞරවයක් බවයි.