දිවයිනේ විවිධ ප්රදේශවල සිටින ව්යාපාරීකයින්ට තමන් වලාන දූෂණ මර්ධන ප්රහාරක ඒකකයේ ස්ථානාධිපතිවරයා ලෙස හඳුන්වා දෙමින් එම ව්යාපාරිකයින් බිය ගන්වා කප්පම් ලබා ගත් බව කියන සැකකරුවෙක්, වලාන දූෂණ මර්ධන ප්රහාරක ඒකකයේ නිලධාරීන් විසින් ඊයේ (25) දිනයේ අත්අඩංගුවට ගෙන තිබුණා.
ගැලනිගම අධිවේගී පිවිසුම් මාර්ගය ආසන්නයේදී මෙම සැකකරු අත්අඩංගුවට ගැනීමට හැකිව තිබෙනවා.
මෙම සැකකරු අම්බලන්ගොඩ ප්රදේශයේ පදිංචි 31 හැවිරිදි අයෙක් බවයි පොලිසිය සඳහන් කළේ.
අත්අඩංගුවට ගෙන ඇති සැකකරු මත්ද්රව්ය ජාවාරම, සොරකම් කිරීම, කොල්ලකෑම, කප්පම් ගැනීම ඇතුළු චෝදනාවන්ට පොලිස් අත්අඩංගුවට පත්ව රක්ෂිත බන්ධනාගාර ගතව සිට ඇති අයෙකු බවටද අනාවරණය වී තිබෙනවා.
අත්අඩංගුවට ගන්නා අවස්ථාවේදී සැකකරු සතුව තිබී හෙරෝයින් මත් කුඩු ග්රෑම් 25 යි මිලි ග්රෑම් 620 ක්ද තිබී හමුවූ බව පොලිසිය සඳහන් කළා.
සැකකරු අම්බලන්ගොඩ, ගන්දර, රත්නපුර, හොරණ, පානදුර, මාරවිල සහ ත්රීකුණාමළය යන ප්රදේශ වල හෝටල්, අවන්හල් හිමියන් ඇතුළු ව්යාපාරීකයින් බිය ගන්වමින් කප්පම් ලබා ගෙන ඇති බවට තොරතුරු ලැබී තිබෙනවා.
සැකකරු සම්බන්ධයෙන් වැඩිදුර විමර්ශණ ක්රියාත්මකයි.
