ලෝක ශූර රෙස්ලින් තරුවක් ජීවිතක්ෂයට පත්වෙයි

දෙවතාවක් World Wrestling Entertainment (WWE) හි ශූරතාව දිනූ Sid Eudy ජීවිතක්ෂයට පත් ව තිබෙනවා.

විදෙස් මාධ්‍ය වාර්තා කරන්නේ; ඔහු මියයන විට 64 හැවිරිදි වියෙහි පසු වූ බවයි.

රෙස්ලින් පරම්පරාවේ බිහිසුණු තරගකරුවෙකු ලෙස හැඳින්වෙන Sid Eudy රෙස්ලින් ක්‍රීඩාවට පිවිසීමට පෙර මල්ලවපොර ක්‍රීඩා කළ ප්‍රසිද්ධ තරගකරුවෙක්.

දීර්ඝ කාලයක් දරුණු පිළිකා රෝගයකින් පීඩා විඳි Sid Eudy 1960 වර්ෂයේ දී අමෙරිකාවේ ආකැන්සාස් ප්‍රාන්තයේ උපත ලද්දෙක්.

Gunnar Eudy නම් Sid Eudyගේ පුත්‍රයා විසින් ඊයේ (26) දිනයේ දී තම පියාගේ අභාවය නිල වශයෙන් නිවේදනය කර තිබුණු අතර; එය ඔහුට මහත් ශෝකයක් බවට ද සටහන් කර තිබෙනවා.

එමෙන්ම සිය පියාට ආදරය කළ සෑම දෙනාටම සිය ස්තුතිය පුද කිරීමට ද Gunnar කටයුතු කර තිබෙනවා.