ආරක්ෂක හේතූන් මත එක්දින ලෝක කුසලාන තරගාවලියේ තරග කාලසටහනේ වෙනසක් සිදුකරන ලෙස හයිද්රාබාද් ක්රිකට් සංගමය විසින් කර තිබූ ඉල්ලීමට ඉන්දීය ක්රිකට් පාලක මණ්ඩලය මේ වනවිට ප්රතිචාර දක්වා තිබෙනවා.
ඒ, අනුව ඉන්දීය ක්රිකට් පාලක මණ්ඩලයේ උප සභාපති රජීව් ශුක්ලා සඳහන් කරන්නේ කාලසටහනේ තවත් වෙනස් කිරීමක් සිදුකළ නොහැකි බවයි.
එක්දින ලෝක කුසලාන තරගාවලියේ නිල තරග කාල සටහන ප්රකාශයට පත්කළ දිනයේ සිට මේ දකවා කාලය තුළ කාලසටහනේ සැලසුම්කර තිබූ තරඟ නවයක් යළි සැලසුම් කිරීමට සිදු වුණා.
ඒ, විවිධ පාර්ශ්වයන් සහ ඉන්දීය ප්රාන්ත ක්රිකට් සංගම් කිහිපයක් විසින් සිදුකළ ඉල්ලීම්වලට අනුවයි.
එවන් පසුබිමක් තුළ හයිද්රාබාද් ක්රිකට් සංගමය එළෙඹෙන ඔක්තෝම්බර් 09 සහ 10 යන දෙදින තුළ පැවැත්වෙන තරග වෙනස් කරන ලෙසට ඊයේ ඉල්ලීමක් කරනු ලැබුවා.
ඒ, එක ළඟ තරග දෙකක් පැවැත්වීම තුළ ආරක්ෂාව සැපයීම සම්බන්ධයන් ගැටළුවක් පැන නඟින බවට හයිද්රාබාද් පොලිසිය දැනුම්දීමත් සමඟයි.
මෙම ඉල්ලීමට ප්රතිචාර දක්වමින් ඉන්දීය ක්රිකට් උප සභාපතිවරයා නිල ප්රකාශයක් නිකුත් කරමින් කියා සිටියේ එයට බහු
පාර්ශ්වකරුවන්ගේ සහභාගීත්වය අවශ්ය වන බැවින් තරග කාලසටහනේ වැඩිදුර වෙනස්කම් සිදුනොවන බවයි.
“මම ලෝක කුසලාන තරඟාවලිය සඳහා හයිද්රාබාද් පැවැත්වෙන ස්ථානය භාරව සිටිනවා. කිසියම් ප්රශ්නයක් හෝ යමක් ඇත්නම්, එය විසඳා ගැනීමට උත්සාහ කරනවා. ලෝක කුසලාන කාලසටහන වෙනස් කිරීම පහසු නෑ, එය සිදුවීමට ඉඩක් ද නෑ. කාලසටහන වෙනස් කළ නොහැක්කේ BCCI පමණයි. ඒ කණ්ඩායම්, ICCය සහ සියල්ල සම්බන්ධවයි” යනුවෙන් උප සභාපති රජීව් ශුක්ලා වැඩිදුරටත් සඳහන් කර තිබෙනවා.
ජාත්යන්තර තරගයක් සඳහා, හයිද්රාබාද් පොලිසිය 2000-2500 අතර පොලිස් නිලධාරීන් පිරිසක් යෙදවිමටයි සැලසුම් කර ඇත්තේ.
මේ අතර මෙවර ලෝක කුසලාන තරගාවලියේ ප්රවේශ පත් අලෙවිය තවත් දින 04කින් එනම් අගෝස්තු 25 වනදා ආරම්භ කිරීමට ද නියමිතයි.
