පසුගිය නොවැම්බර් 19 වැනිදා ඉන්දියාව සහ ඕස්ට්රේලියාව අතර එක්දින ලෝක කුසලාන අවසන් මහා තරගය පැවති තණතීරුව “සාමාන්ය” තණතීරුවක් ලෙස අයි.සී.සීය විසින් ශ්රේණිගත කර තිබෙනවා.
මෙවර එක්දින ලෝක කුසලාන තරගාවලියේ අවසන් මහා තරගය පැවැත් වුණේ අහමදාබාද්හි නරේන්ද්ර මෝදි ක්රීඩාංගණයේදීයි.
මන්දගාමී තනතීරුවක් වූ අවසන් මහා තරගයට ලැබුණු තණතීරුවේ, පළමුව පන්දුවට පහර දුන් ඉන්දියාවට නියමිත පන්දුවාර 50 තුළ දී ලබාගත හැකි වූයේ ලකුණු 240ක් පමණයි.
අනතුරුව ලකුණු 241ක ඉලක්කයක් හඹා ගිය ඕස්ට්රේලියාව පන්දුවාර 43කදී කඩුලු 04ක් පමණක් දැවී එම ඉලක්කය පසුකර යමින් තරගය ජයගත්තා.
මේ අතර අවසන් පූර්ව වටයේදී ඉන්දියාව සහ නවසීලන්ත තරගය සඳහා හිමි වූ වන්කඩේ ක්රීඩාංගනයේ තණතීරුවට ‘හොඳ’ ශ්රේණිගත කිරීමක් අයි.සී.සීය විසින් ලබා දී තිබෙනවා.
කෙසේ වෙතත් එම තරගයට පෙර මාධ්ය වාර්තා පළ වූයේ සත්කාරකයින් තණතීරුව මාරු කර ඇති බවත්, නැවුම් තණතීරුවක් වෙනුවට භාවිත කළ තණතීරුවක් ලබා දී ඇති බවයි.
එමෙන්ම ඕස්ට්රේලියාව සහ දකුණු අප්රිකාව අතර දෙවැනි අවසන් පූර්ව තරගයට සත්කාරකත්වය දැරූ කොල්කටාහි ඊඩ්න් ගාර්ඩ්න් තණතීරුවට අයි.සී.සීය විසින් “සාමාන්ය” ශ්රේණිගත කිරීමක් ද ලබාදීමටයි කටයුතු කර ඇත්තේ.
