ලෝක කුසලානයේ ඉන්දු – පාකිස්ථාන තරගයට දාරගත නොහැකි ප්‍රේක්ෂක ඉල්ලුමක් – ගුවන් ගමන් ගාස්තුත් ඉහළ දමයි

2026 පන්දුවාර 20-20 ලෝක කුසලාන තරගාවලියේ ඉන්දු – පාකිස්ථාන තරගය පිළිබඳව මේ වන විටත් යොමුව ඇත්තේ විශේෂ අවධානයක්.

මෙම තරගය එළඹෙන 15 වනදා කොළඹ ආර්.ප්‍රේමදාස ක්‍රිකට් ක්‍රීඩාංගණයේ දී පැවැත්වීමටයි නියමිතව ඇත්තේ.

ප්‍රේක්ෂකයින් 35,000 කට එකවර තරග නැරඹීමට හැකි කෙත්තාරාම ක්‍රීඩාංගණයේ මෙම තරගය වෙනුවෙන් දැනටමත් එහි සම්පූර්ණ ධාරිතාවයට ළඟා වී ඇති බවයි තොරතුරු වාර්තා වන්නේ.

මෙම තරගයේ ටිකට්පත් ඉල්ලීම් 88,000 කට වඩා ලැබී ඇති අතර, එය කෙත්තාරාම ක්‍රීඩාංගණයේ සම්පූර්ණ ප්‍රේක්ෂක ධාරිතාවයට 100% කටත් වඩා වැඩි අගයක්.

තරගයේ සෑම ටිකට්පතක්ම ICC වෙබ් අඩවිය හරහා විකුණා දමා ඇති බවටයි තොරතුරු වාර්තා වුණේ.

මේ අතර තරගයට පෙර ඉන්දියාවේ සිට ශ්‍රී ලංකාව දක්වා ගුවන් ගමන් ගාස්තු ද ඉහළ ගොස් ඇති අතර,
එයාර් ඉන්දියා ආයතනයේ පරීක්ෂාවන්ට අනුව, පෙබරවාරි 13 සිට 16 දක්වා කාලය තුළ නවදිල්ලියේ සිට කටුනායක දක්වා ගුවන් ගමන් ගාස්තුව රුපියල් 76,000ත් 100,000ත් අතර අගයන් ගෙන තිබෙනවා.

ඉන්ඩිගෝ සහ ශ්‍රී ලංකන් ගුවන් සේවය ඇතුළු එම මාර්ගයේම ක්‍රියාත්මක වන අනෙකුත් ගුවන් සමාගම් ද සැලකිය යුතු ලෙස ගුවන් ටිකට් පත් ගාස්තු ඉහළ දමා ඇති බවයි වාර්තා වන්නේ.

මේ අතර කොළඹ හෝටල්වලට ද අසමසම ඉල්ලුමක් පවතින බවට ද තොරතුරු වාර්තා වන අතර, කොළඹ නගරයේ ප්‍රමුඛ පෙළේ හෝටල්වල කාමර ගාස්තු පවතින මිලට වඩා දෙගුණයකට වඩා වැඩි වී තිබෙනවා.