ලීසිං වාරික ගෙවා ගැනීමට නොහැකි වූ වාහන හිමියන්ට සහ ණය වාරික ගෙවා ගැනීමට නොහැකි වූ ජනතාවට මාස 6ක කාලයක් ගත වන තුර සහනයක් ලබා දීමට මහ බැංකු අධිපති අජිත් නිවාඩ් කබ්රාල් මහතා තීරණය කර තිබේ.
සාර්ව ආර්ථික සහ මූල්ය පද්ධති ස්ථායීතාව සහතික කිරීම සඳහා වන සය මාසික ආර්ථික සැලසුම අද එළිදක්වමින් ඔහු මේ බව ප්රකාශ කළේය.
ශ්රී ලංකා මහ බැංකු මූලස්ථානයේදී මෙම සැලසුම එළිදක්වනු ලැබුවේ, මහ බැංකු අධිපති අජිත් නිවාඩ් කබ්රාල් මහතාගේ ප්රධානත්වයෙනි.
එහිදී මහ බැංකු අධිපතිවරයා පැවසුවේ, ඉදිරි මාස 6 තුළදී “පරාටේ ගිවිසුම” හරහා දේපළ පවරා ගැනීම නොකර සිටින ලෙස සියලු බැංකුවලට දැනුම් දී ඇති බවය.
ඊට අමතරව, ලීසිං වාරික නොගෙවූ වාහන නැවත පවරා ගැනීම අත්හිටුවන ලෙස ද බැංකුවලට උපදෙස් දුන් බව ද ඔහු පැවසීය.
ඔබේ ප්රතිචාරය කුමක්ද ?
+1
+1
+1
+1
+1
+1
+1
15
