ඉන්දියාවේ ලක්නව් හෝටලයක දී තරුණයෙකු සිය මව සහ සහෝදරියන් සිව් දෙනෙකු ඝාතනය කර තිබෙනවා.
අද (01) අලුයම මෙම ඝාතන සිදු ව ඇති බවයි ප්‍රාන්ත පොලිසිය පැවසුවේ.
24 හැවිරිදි ඝාතකයා පවසා ඇත්තේ සිය උපන් ගම වන බුඩවුන් හි පිහිටි පෞද්ගලික ඉඩකඩම් සිය සොහොයුරියන් විසින් ලියාගනු ලැබීමත් ඒවා විකිණීමට උත්සාහ කිරීමත් නිසා මෙම ඝාතන සිදු කළ බවයි.
අර්ෂාඩ් නමැති සැකකරු ඝාතනයෙන් පසුව කෙටි වීඩියෝවක් ද සමාජ මාධ්‍ය වෙත මුදා හැර තිබෙනවා.
සැකකරුගෙන් පහර කෑ මව සහ සොහොයුරියන් තිදෙනෙකු එම ස්ථානයේ දී ම ජීවිතක්ෂයට පත් ව ඇති අතර අනිත් තැනැත්තිය බරපතළ තුවාල ලබා රෝහල්ගත කර සිටියදී මියගොස් ඇති බවයි විදෙස් මාධ්‍ය වාර්තා කරන්නේ.
තමන් මෙම ඝාතන සිදු කළ සෑම අයෙකුගේ ම අතෙහි මැණික් කටුව අසලින් වෙන් වෙන්න කපා දමා බවත් පසුව හුස්ම හිර කර ඝාතනය සිදු කළ බවත් අදාළ වීඩියෝවෙන් සැකකරු පවසනවා.
මෙම අපරාධ සඳහා තම පියා ද උදව් කළ බවයි අර්ෂාඩ් නමැති සැකකරු පවසා ඇත්තේ.
