රේගුවේ රඳවා ඇති කිරිපිටි බහාලුම් 06ක් ගැන මුදල් රාජ්‍ය ඇමතිගෙන් හෙළිදරව්වක් (වීඩියෝ)

රේගුවේ රඳවා ඇති කිරිපිටි බහාලුම් 06ක් ආනයන අපනයන රෙගුලාසි කඩකරමින් ආනයනය කර ඇති බව මුදල් රාජ්‍ය අමාත්‍ය රංජිත් සියඹලාපිටිය ප්‍රකාශ කළා.

අද (29) පාර්ලිමේන්තුව් දී අදහස් දක්වමින් මුදල් රාජ්‍ය අමාත්‍යවරයා මේ බව පැවසුවා.

අදාළ කිරිපිටි බහාලුම්වල පරීක්ෂණ වාර්තාවක් ද ඔහු විසින් අද (29) දිනයේ පාර්ලිමේන්තුවට ඉදිරිපත් කරනු ලැබුවා.

කිරිපිටි ආනයනය කරන මුවාවෙන් එම ආනයනකරුවන් අමුද්‍රව්‍ය ගෙන්වා ඇති බව එම වාර්තාව මඟින් අනාවරණය වී තිබෙනවා.

එසේම කිරිපිටි ආනයනය සීමා කර නොමැති බැවින් වෙළෙඳපොළ තුළ කිසිසේත්ම කිරිපිටි හිඟයක් ඇති වීමේ අවදානමක් නැති බව ඔහු පැවසුවා.