රුපියල් ලක්ෂ 50ක් පමණ වටිනා රූපලාවණ්‍ය ආලේපන ද්‍රව්‍ය තොගයක් නීතිවිරෝධී ලෙස මෙරටට ගෙන ආ ගුවන් මගියෙකු ඊයේ (02) දින කටුනායක ගුවන් තොටුපොළ පැමිණීමේ පර්යන්තයේ දී රේගු නිලධාරීන් පිරිසක් විසින් අත්අඩංගුවට ගනු ලැබුවා.
මොහු 34 හැවිරිදි මඩකලපුව ප්‍රදේශයේ පදිංචි නිතර නිතර ගුවන් ගමන්වල යෙදෙමින් ව්‍යාපාරික කටයුතු සිදු කරන්නෙකු බවයි හෙළි ව ඇත්තේ.
ඔහු ඊයේ පස්වරු 02.40 ට ඉන්දියාවේ මුම්බායි නුවර සිට ඉන්ඩිගෝ ගුවන් සේවයේ 6 ඊ – 1185 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔහු විසින් රැගෙන ආ ගමන් මළු තුළ මෙම රූපලාවණ්‍ය ආලේපන තොගය අසුරා තිබියදී රේගු නිලධාරීන් විසින් අත්අඩංගුවට ගනු ලැබූ බවයි වාර්තා වන්නේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
