රුපියල් කෝටි එක හමාරකට ආසන්න වටිනාකමක් ඇති අයිස් මත්ද්‍රව්‍ය සමග කාන්තාවන් දෙදෙනෙකු හා තරුණයෙකු පොලිස් විශේෂ කාර්ය බලකා නිලධාරීන්ගේ අත්අඩංගුවට පත්ව තිබෙනවා.
තොරතුරු වාර්තා වන පරිදි මෙම වැටලීම විශේෂ කාර්ය බලකාය; විශේෂ මෙහෙයුම් අංශ ii හි නිලධාරීන් කණ්ඩායමක් විසින් මීගහවත්ත පොලිස් වසමේ උඩුපිල බෝක්කුව අසල දී සිදු කර තිබෙනවා.
එහිදී රුපියල් කෝටි එක හමාරකට ආසන්න වටිනාකමක් ඇති අයිස් මත්ද්‍රව්‍ය සන්තකයේ තබා ගනිමින් ජාවාරමේ යෙදුණු වයස අවුරුදු 38 ක වන කාන්තාවක් සහ වයස අවුරුදු 26 ක තරුණයෙකු අයිස් මත්ද්‍රව්‍ය කිලෝග්‍රෑම් 01යි, ග්‍රෑම් 15ක් සමග අත්අඩංගුවට ගැනුණා.
මොවුන්ගේ මෙම ජාවාරම සදහා ආධාර අනුබල දුන් වයස අවුරුදු 58 ක කාන්තාවක් ද අත්අඩංගුවට ගෙන වැඩිදුර විමර්ශන කටයුතු සඳහා මීගහවත්ත පොලිස් ස්ථානය වෙත භාර දී ඇති බවයි පැවසෙන්නේ.
සැකකරුවන් උස්වැටකෙයියාව, කඩුවෙල යන ප්‍රදේශවල පදිංචිකරුවන්.
ඔවුන් සන්තකයේ තිබී ජංගම දුරකථන 04 ක් හා කාර් රථයක් සොයාගැනුණා.
