අනාගත නව රැකියා වෙළෙඳපොළට සරිලන වෘත්තිකයන් බිහි කළ හැකි ලෙස විශ්වවිද්යාල පද්ධතිය හා සමස්ත අධ්යාපන පද්ධතිය පරිවර්තනීය වෙනසක් කරා ගෙන යෑමට දුෂ්කරතා රැසක් මධ්යයේ වුව රජය කැප වී ක්රියා කරන බව අධ්යාපන අමාත්ය ආචාර්ය සුසිල් ප්රේමජයන්ත පවසනවා.
අමාත්යවරයා මේ බව පැවසුවේ අද (03) දින අරලියගහ මන්දිරයේ පැවති පත්වීම් ප්රදානය කිරීමේ වැඩසටහනට සහභාගී වෙමින්.
ජනාධිපති රනිල් වික්රමසිංහගේ ප්රධානත්වයෙන් මෙම උත්සවය පැවැත්වුණා.
ශ්රී ලංකා අධ්යාපන පරිපාලන සේවයේ 3 වැනි ශ්රේණියේ සාමාන්ය සේවක සංඛ්යාවේ පුරප්පාඩු 60ක් සඳහා පත්වීම් ලබා දුන් අතර උපාධි හා ඉංග්රීසි ඩිප්ලෝමාධාරීන් 2,159ක් සඳහා ගුරු පත්වීම් ලබාදීම ද සිදු කෙරුණා.
එම අවස්ථාවේදීයි අධ්යාපන අමාත්යවරයා මේ බව සඳහන් කළේ.
දිවයිනේ ජාතික පාසල්වල පවතින අපොස උසස් පෙළ සිංහල, දෙමළ සහ ඉංග්රීසි මාධ්ය විද්යා, ගණිත, තාක්ෂණවේදය, විදේශ භාෂා විෂයන්වල සහ 13 වසරක අඛණ්ඩ අධ්යාපන වැඩසටහන යටතේ විෂයන්වල ගුරු පුරප්පාඩු සඳහා සහ ජාතික හා පළාත් පාසල්වල ඉංග්රීසි ගුරුපුරප්පාඩු සඳහා මෙම ගුරුවරුන් යොමු කෙරෙනු ඇති.
