රහස්‍ය දත්ත රැසක් අන්තර්ජාලයට මුදා හැර ලෝකය හමුවේ අමෙරිකාව අපහසුතාවට පත් කළ සිද්ධියට අදාළ සැකකරු අත්අඩංගුවට ගෙන තිබෙනවා.
එලෙස අත්අඩංගුවට ගෙන ඇත්තේ 21 හැවිරිදි වියේ පසුවන අමෙරිකානු ගුවන් හමුදාවේ ජාතික ආරක්ෂක බලකායේ සාමාජිකයෙක්.
එෆ් බී අයි නිලධාරීන් විසින් බොස්ටන් හිදී අදාළ සැකකරු අත්අඩංගුවට ගෙන ඇති බවයි විදෙස් මාධ්‍ය වාර්තා කළේ.
රජයේ රහසිගත ආරක්ෂක තොරතුරු සම්ප්‍රේෂණය කිරීම අපරාධයක් බවට පත්කර ඇති ඔත්තු බැලීමේ පනත යටතේ ඔහුට එරෙහිව නඩු පවරන බව අමෙරිකානු බලධාරීන් සඳහන් කර තිබෙනවා.
පසුගියදා අන්තර්ජාලයට මුදාහැර තිබූ එම රහස්‍ය දත්ත හරහා අමෙරිකාවේ මිත්‍රපාර්ශවීය රටවල මෙන්ම ප්‍රතිවිරුද්ධ මතධාරී රටවල යුද උපක්‍රම ඇතුළු රහස්‍ය තොරතුරු රැසක් අනාවරණ වුණා.
ඔහු විසින් අනාවරණ කරන ලද ලේඛන මගින් යුක්රේනයේ යුද්ධය සහ එක්සත් ජනපදය මිත්‍ර පාක්ෂිකයින් පිලිබඳ ඔත්තු බැලීම පිලිබඳ බුද්ධි තොරතුරු ද හෙළිවී ඇති බවයි වාර්තා වන්නේ.
