අද (25) හිටපු මුදල් අමාත්ය රවි කරුණානායක මහතා ඇතුළු විත්තිකරුවන් 8 දෙනාට චෝදනා පත්ර භාරදීමෙන් පසුව ඔවුන් හෙට (26) දින දක්වා රක්ෂිත බන්ධනාගාරගත කරන ලෙස නියම කර තිබෙනවා.
ඒ කොළඹ ත්රිපුද්ගල මහාධිකරණ විනිසුරු මඩුල්ල විසින් නඩුව කැඳවූ අවස්ථාවේදී යි.
2016 වසරේ මාර්තු මස 31 වනදා ශ්රී ලංකා මහ බැංකුව විසින් සිදුකළ බැඳුම්කර වෙන්දේසියේදී රුපියල් බිලියන 15 ක් වටිනා බැඳුම්කර සම්බන්ධයෙන් සාපරාධී සාවද්ය පරිහරණය කළේ යැයි එම විත්තිකරුවන් 8 දෙනාට චෝදනා එල්ල වී තිබෙනවා.
මෙම විත්තිකරුවන් ඇපමත මුදා හරින්නේ ද? නැද්ද? යන නියෝගය හෙට පස්වරු 2.00 ට ප්රකාශයට පත්කරන බව ද විනිසුරු මඩුල්ල විසින් නිවේදනය කර තිබෙනවා.
පැමිණිල්ල වෙනුවෙන් පෙනී සිටි නියෝජ්ය සොලිසිටර් ජනරාල් හරිප්රියා ජයසුන්දර මහත්මිය සඳහන් කර සිටියේ, මෙම නඩුවට අදාළව විත්තිකරුවන්ට සහ අධිකරණයට භාරදීමට නියමිත ලේඛන අඩංගු වෙලුම් 900 ක් දැනටමත් අධිකරණය හමුවට ගෙනවිත් තිබෙන බවයි.
තවත් වෙළුම් දෙකක් පමණක් භාරදීමට නියමිතව තිබෙන බවත් සඳහන් කළා.
එසේම ඉදිරිපත් කිරීමට නියමිත ඉතිරි ලේඛන අඩංගු වෙළුම් දෙක හෙට දහවල් 2.00ට පෙර අධිකරණය හමුවේ ගොනු කරන බවට පොරොන්දු වුණා
