රන් ආලේපිත T56 කේස් එකට දුමින්ද දිසානායක අද යළිත් අධිකරණයට

හිටපු පාර්ලිමේන්තු මන්ත්‍රී දුමින්ද දිසානායක මහතා අද (29) පෙරවරුවේ ගල්කිස්ස මහේස්ත්‍රාත් අධිකරණය වෙත රැගෙනවිත් තිබෙනවා.

බන්ධනාගාර නිලධාරීන්ගේ දැඩි ආරක්ෂාව මධ්‍යයේ හිටපු මන්ත්‍රීවරයා ව අධිකරණ සංකීර්ණයට මාංචු දමා රැගෙන ආ බවයි දසත ප්‍රාදේශීය වාර්තාකරු පැවසුවේ.

පසුගියදා හැව්ලොක්ස් සිටි සුපිරි මහල් සංකීර්ණයේ කාන්තාවක් සමග ටී56 රන් ආලේපිත ගිනි අවියක් වැල්ලවත්ත පොලිසිය විසින් අත් අඩංගුවට ගනු ලැබුවා.

පසුව සිදු කළ දීර්ඝ විමර්ශනවලින් අනතුරුව හෙළි වූයේ මෙම ගිනි අවියෙහි හිමිකරු හිටපු මන්ත්‍රී දුමින්ද දිසානායක බවයි.

ඊයේ (28) දිනයේ දී දුමින්ද දිසානායක මහතා ව බන්ධනාගාර රෝහලේ සිට විශේෂඥ වෛද්‍යවරයෙකුගේ වෛද්‍ය පරීක්ෂාවෙන් පසුව බරපතළ තත්ත්වයේ කිසිදු අසනීපයක් නොමැති බව දැන්වූ පසු සැකකාර මන්ත්‍රීවරයා ව යළිත් මැගසින් බන්ධනාගාරයට මාරු කළා.