රටේ ස්වෛරීභාවය සහ භෞමික අඛණ්ඩතාව ආරක්ෂා කර ගැනීමටත්, සාරධර්ම ආරක්ෂා කිරීමට සහ අපගේ ජීවන රටාව ආරක්ෂා කිරීමට උරදුන් සියලුම දෙනාට තමන් සැමවිටම කෘතඥ වන බව අග්රාමාත්ය දිනේෂ් ගුණවර්ධන පවසනවා.
අග්රාමාත්යවරයා මේ බව සඳහන් කළේ පසුගිය දා (17) කොතලාවල ආරක්ෂක විශ්වවිද්යාලයේ යුද ස්මාරකය විවෘත කිරීමේ අවස්ථාවට එක්වෙමින්.
ගෞතම බුදුරජාණන් වහන්සේගේ ඉගැන්වීම්වලින් පෝෂණය වූ ශ්රී ලංකාව සාමය, දයාව සහ ශාන්තිය විශ්වාස කරන බවත්, රටේ හමුදාවන් ඕනෑම විටක රට වෙනුවෙන් අන්තිම යුතුකම පවා ඉටු කිරීමට සූදානම් බව ද අග්රාමාත්යවරයා මෙහිදී වැඩිදුරටත් සඳහන් කර සිටියා.
මෙම අවස්ථාව සඳහා කොතලාවල ආරක්ෂක විශ්වවිද්යාලයේ කුලපති ජෙනරාල් ශාන්ත කෝට්ටේගොඩ, ආරක්ෂක ලේකම් ජෙනරාල් කමල් ගුණරත්න ඇතුළු පිරිසක් එක්ව සිටි බවයි අග්රාමාත්ය මාධ්ය ඒකකය සඳහන් කළේ.
ඔබේ ප්රතිචාරය කුමක්ද ?
+1
+1
+1
+1
+1
+1
+1
