වෙන්නප්පුව, තඹරවිල ප්රදේශයේ දී තරුණියක් ගෙළ බැද සිටි රන් මාලයක් කොල්ලකා පළායාමට උත්සාහ කිරීමේ දී ප්රදේශවාසීන් විසින් අල්ලාගෙන පොලිසියට භාරදුන් සැකකරු දින 07ක් රඳවාගෙන ප්රශ්න කිරීමට අධිකරණය අවසර ලබා දී තිබෙනවා.
ඒ, මාරවිල පොලිසිය මඟින් අත්අඩංගුවට ගැනුණු සැකකරු මාරවිල වැඩ බලන මහේස්ත්රාත් ගාමිණී අර්ථනායක මහතා වෙත ඉදිරිපත් කිරීමෙන් අනතුරුවයි.
පෙරේදා (08) දහවල් කාලයේ මෙම සැකකරු යතුරුපැදියකින් පැමිණ, යතුරුපැදියකින් යමින් සිටි තරුණියකගේ ගෙළ බැඳි රන් මාලයක් කොල්ල කා පලායාම උත්සාහා කිරීමේ දී ප්රදේශවාසීන් විසින් අල්ලා ගනු ලැබුවා.
මෙම සැකකරු උතුරු කළුතර ප්රදේශයේ පදිංචි 29 හැවිරිදි වියේ පසුවන අයෙක් වන අතර, ඔහු මත්කුඩු සන්තකයේ තබා ගැනීමේ සිද්ධියක් සම්බන්ධයෙන් රක්ෂිත බන්ධනාගාර ගතව සිටි ඇප මත නිදහස්ව පැමිණ ඇත්තේ මීට දින කීපයකට පෙර බව ද විමර්ශණවල දී අනාවරණය වී තිබෙනවා.
එමෙන්ම නුගේගොඩ, තලංගම, පානදුර ඇතුළු ප්රදේශවල රන් මාල කොල්ලකෑම් රැසක් සැකකරු විසින් සිදුකළ බවට ද පොලිසිය හමුවේ පාපොච්චාරණය කර ඇති බවයි වාර්තා වුණේ.
සැකකරු විසින් එලෙස කොල්ල කන රන් මාල ඔහුගේ මව විසින් නැවත සකස්කර අලෙවි කිරීම සිදුකර ඇති බවට ද පොලිස් විමර්ශණවල දී අනාවරණය වී තිබෙනවා.
ඒ, අනුව සැකකරුගේ මව ද අත්අඩංගුවට ගැනීමට කටයුතු කරන බවත්, ඇය විසින් රන් ආභරණ උකස් තබා හෝ අලෙවි කර ඇති ස්ථාන සම්බන්ධයෙන් ද විමර්ශන සිදුකරන බව පොලිසිය සඳහන් කළා.
