පවතින රජයට ශක්තිමත් ව ඉදිරියට ගෙන යාමට සහාය වීමට අවශ්‍ය කරන පළාත් සභා බලය ද ලබා ගැනීමට මහජනතාවට ජනාධිපතිවරණයේ සහ මහ මැතිවරණයේ දී සේ ම පූර්ණ සහයෝගය ලබාදෙන ලෙසට
ජාතික ජන බලවේගය පක්ෂයේ කොළඹ මහ නගර සභා අපේක්ෂිකා ව්‍රේයි කැළි බල්තසාර් මහත්මිය පවසනවා.
අද (17) පෙරවරුවේ ඇය ඉදිරි පළාත් පාලන මැතිවරණය සඳහා ජාතික ජන බලවේගයෙන් ඉදිරිපත් වන අපේක්ෂකයන්ගේ නාමයෝජනා පත්‍ර අත්සන් කිරීම සඳහා ජාතික ජන බලවේගය පැලවත්ත ප්‍රධාන කාර්යාලයට පැමිණි අවස්ථාවේදියි මේ බව සඳහන් කළේ.
නිමා වූ මාස 04 තුළ රටෙහි සිදු විය යුතු මානුෂීය සහකම්පනය හඳුනන දේශපාලන පරිවර්තනයක් සිදු වී ඇති බවත් ඒ බව මේ වනවිටත් ජනතාවට දැනෙමින් තිබෙන බව ද බල්තසාර් මහත්මිය පැවසුවා.
මෙම අවස්ථාවට ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා සහ ජාතික ජන බලවේගය ප්‍රධාන ලේකම් වෛද්‍ය නිහාල් අබේසිංහ මහතා ද එක් ව සිටියා.
