අල්ලස් සිද්ධියක් සම්බන්ධයෙන් සැකපිට රක්ෂිත බන්ධනාගාර ගත කර සිටින ශ්රී ලංකන් එයාර් ලයින්ස් සමාගමේ හිටපු ප්රධාන විධායක නිලධාරී කපිල චන්ද්රසේන වෙනුවෙන් ඔහුගේ නීතිඥවරු විසින් ඉදිරිපත් කළ මෝසමක්, අද (13) කොළඹ මහේස්ත්රාත් අධිකරණය හමුවේ කැඳවනු ලැබුවා.
කොළඹ අතිරේක මහේස්ත්රාත් ලහිරු ද සිල්වා ඉදිරියේ මෙම මෝසම කැඳවනු ලැබුවා.
මෙම මෝසම සම්බන්ධයෙන් සැකකරු වෙනුවෙන් විවෘත අධිකරණයේ කරුණු දැක්වූ ජනාධිපති නීතිඥ රියන්සි අර්සකුලරත්න සඳහන් කළේ, ඊයේ (12) දින අල්ලස් කොමිසම විසින් සිය සේවා දායකයාගේ ප්රකාශයක් සටහන් කරගන්නා අවස්ථාවේදී එම කොමිසමේ ඉහළ නිලධාරියෙක් තම සේවාදායකයාට බලපෑම් එල්ල කර ඇති බවයි.
ඒ අනුව ඒ සම්බන්ධයෙන් මහේස්ත්රාත්වරයාට සවිස්තරාත්මක කරුණු දැක්වීමට දිනයක් ලබා දෙන ලෙසට ජනාධිපති නිතීඥවරයා අධිකරණයෙන් ඉල්ලා සිටියා.
මෙහිදී මහේස්ත්රාත්වරයා සඳහන් කළේ මෙය ඇප ඉල්ලීමක් නොවන බැවින් අදාල කරුණු සැලකිරීම ස්ථිර මහේස්ත්රාත්වරයා ඉදිරියේ සිදුකර ලෙසයි. ඒ අනුව එම සිද්ධිය ලබන 19 වැනිදාට යළි කැදැවීමට අධිකරණයෙන් නියෝග නිකුත් කෙරුණා.
නිතීඥ උදාර මුහන්දිරම්ගේ විසින් මෙම මෝසම අධිකරණය හමුවේ ගොනු කර තිබුණා. එම මෝසමට අනුව, සිය සේවාදායකයා අල්ලස් කොමිසමේ ප්රකාශයක් ලබා දෙන අතරතුරදී දිවා ආහාරය සඳහා ඔහු වෙනුවෙන් පෙනී සිටි නීතිඥවරයා පිටව ගිය අවස්ථාවේදී නිලධාරින් විසින් ඔහුව වෙනත් කාමරයකට රැගෙන ගොස් ඇති බව සඳහන් වෙයි.
ඒ අනුව එහි සිටි එහි සිටි අල්ලස් කොමිෂන් සභාවේ අධ්යක්ෂ ජෙනරාල් රංග දිසානායක තම සේවාදායකයාට බලපෑම් සිදු කරමින් දේශපාලකයින්ගේ නම් සඳහන් කරන ලෙසට දැනුම් දී තිබූ බව එම මෝසමේ දක්වා තිබෙනවා.
මේ නිසා අදාල ප්රකාශයට ඇතැම් පුද්ගලයින්ගේ නම් ඇතුළත් කිරීමට සැකකරුට සිදුවූ බවත් එහි සඳහන් වෙනවා.
wpDiscuz
