ගත වූ පැය 24 තුළ දිවයින පුරා සිදුකළ යුක්තිය මෙහෙයුම්වලින් අපරාධකරුවන් 770ක් අත්අඩංගුවට ගත් බව පොලිසිය පවසනවා.
මත්ද්රව්ය වැරදි සම්බන්ධ සැකකරුවන් 567ක් සහ අපරාධ අංශ වෙත යොමුකළ ලැයිස්තුවේ සිටි සැකකරුවන් 203ක් එම අත්අඩංගුවට ගැනුණු පිරිස අතරට අයත්.
මත්ද්රව්ය වැරදි සම්බන්ධ අත්අඩංගුවට ගත් සැකකරුවන් 567දෙනා අතරින් සැකකරුවන් 06 කට රැදවුම් නියෝග මත වැඩිදුර විමර්ශන සිදුකරන බවයි පොලිසිය පැවසුවේ.
මත්ද්රව්යවලට ඇබ්බැහිවූවන් 02ක් පුනරුත්ථාපනය සඳහා යොමු කර ඇති අතර, පොලිස් මත්ද්රව්ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 05ක් ද අත්අඩංගුවට ගැනුණු පිරිස අතර වනවා.
එමෙන්ම අපරාධ අංශවෙත යොමු කළ ලැයිස්තුවේ අත්අඩංගුවට ගත් සැකකරුවන් 203 දෙනා අතරින් මත්ද්රව්ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 21ක් සහ මත්ද්රව්ය නොවන වැරදි සම්බන්ධව විවෘත වරෙන්තුකරුවන් 160ක් ද සිටිනවා.
ඇඟිලි සටහන් මාධ්යයෙන් හදුනාගෙන අත්අඩංගුවට ගෙන නොමැතිව සිටි සැකකරුවන් 11ක් සහ අපරාධවලට අවශ්ය කරන සැකකරුවන් 11ක් ද මෙහෙයුම්වල දී අත්අඩංගුවට ගෙන තිබෙනවා.
මේ අතර හෙරොයින් ග්රෑම් 132ක්, අයිස් ග්රෑම් 121ක්, ගංජා කිලෝ 15යි ග්රෑම් 900ක්, ගංජා පැල 5,416ක්, ඈෂ් ග්රෑම් 16ක්, මාවා ග්රෑම් 209ක් මදන මෝදක ග්රෑම් 128ක් සහ තුල් ග්රෑම් 45ක් ද මෙම මෙහෙයුම්වල දී අත්අඩංගුවට ගෙන තිබෙනවා.
