කලක සිට අතුරුදන් ව සිටි ගාසා තීරයේ හමාස් නායක යාහ්යා සින්වාර් (Yahya Sinwar) ඝාතනය වී ඇති ද යන්න පිළිබඳ ව විශේෂ පරීක්ෂණයක් බුද්ධි අංශ යොදා ගනිමින් සිදු කිරීමට ඊශ්රායලය තීරණය කර තිබෙනවා.
මීට පෙර ද ඊශ්රායලය විසින් සොයා බලනු ලැබුවේ යාහ්යා සින්වාර්ගේ අතුරුදන් වීම බොහෝ විට හෙතෙම එල්ල කරන ලද ප්රහාරවලින් අනතුරුව මිය යන්නට ඇති බවයි.
නමුත් යළිත් මෙම සිදුවීම කරළියට මතු ව ඇත්තේ ඊශ්රායල හමුදාව සිදු කළ ගාසා තීරයේ මෙහෙයුමක දී හමාස් නායකයා මියයාමට ඇති හැකියාව පිළිබඳ ව සොයා බැලීම සඳහා ආරම්භ කර ඇති පරීක්ෂණයක් නිසාවෙන්.
සටන්කාමීන් තිදෙනෙකු ඊශ්රායලය එල්ල කළ ප්රහාරයකින් ගොඩනැගිල්ලක් තුළ දී මිය ගිය බවත් ඔවුන්ගෙන් එක් අයෙක් හමාස් නායක යාහියා සින්වාර් ද යන්න නිල වශයෙන් තහවුරු කරගැනීම සඳහා ඊශ්රායලයේ ෂින් බෙට් අභ්යන්තර බුද්ධි ඒජන්සිය පරීක්ෂණ අරඹා ඇති බවයි.
සින්වාර් යනු ගාසා තීරයේ සිටි හමාස් නායකයින්ගෙන් ඊශ්රායලය අත්යවශයෙන් ම අවශ්ය කර සිටි පළමු වැනියායි.
ඊශ්රායල රජය විශ්වාස කරන්නේ පසුගිය වසරේ (2023) ඔක්තෝබර් 07 වැනි දින ඊශ්රායලයට එල්ල වූ ප්රහාරයේ පසුපස සිටින මහමොළකරු ඔහු වන බවයි.
ඊශ්රායලය උපකල්පනය කරන්නේ සින්වාර් උමං මාර්ගවල සැඟවී සිටින බවයි.
දකුණු ගාසා තීරයට එල්ල වූ ඊශ්රායල වෙඩි තැබීමකින් සටන්කාමීන් මියගිය බවත්; එම මියගිය වුන් අතර සින්වාර්ගේ යැයි සැක කෙරෙන සිරුරක් DNA සමග සැසදීමට යවා ඇති බව ඊශ්රායලය නිවේදනය කළා.
