යාපනයේ සිදු වූ බෝට්ටු අනතුරට බලපෑ මූලික හේතු සෙවීම සඳහා නාවික හමුදාව ඇතුළු අදාළ සියලුම අංශ සම්බන්ධ කරගනිමින් කඩිනම් පරීක්ෂණයක් පවත්වන ලෙස ධීවර, ජලජ හා සාගර අමාත්ය රාමලිංගම් චන්ද්රසේකර් උපදෙස් ලබා දී තිබෙනවා.
අනතුරෙන් ජීවිත අහිමි වූවන්ගේ පවුල් වෙත අමාත්යවරයා සිය බලවත් ශෝකය ප්රකාශ කර ඇති අතර, ඔවුන්ට අවශ්ය සියලු සහන ලබා දීමට කටයුතු කරන බවද සඳහන් කර තිබෙනවා.
අනතුරට ලක් වූ බෝට්ටුවේ ධාවන යෝග්යතාව, මගීන් සංඛ්යාව නියමිත සීමාවන් ඉක්මවා තිබුණේද යන්න සහ මුහුදු ගමන් සඳහා වන ආරක්ෂිත ක්රියා පටිපාටි නිසි ලෙස අනුගමනය කළේද යන්න පිළිබඳව සවිස්තරාත්මක වාර්තාවක් කැඳවා ඇති බවත් සඳහන්.
එමෙන්ම අනතුරෙන් මුහුදේ අතරමං වූවන් සෙවීමේ සහ ගලවා ගැනීමේ කටයුතු ප්රමාදයකින් තොරව, පවතින සියලු සම්පත් භාවිත කරමින් දැඩි කරන ලෙස පොලිසියට සහ නාවික හමුදාවට උපදෙස් දී තිබෙනවා.
අනතුරෙන් පීඩාවට පත්ව රෝහල්ගත කර සිටින පුද්ගලයන්ගේ සෞඛ්ය තත්ත්වය පිළිබඳව අමාත්යවරයා රෝහල් බලධාරීන්ගෙන් විමසා බලා ඇති අතර, ඔවුන්ට අවශ්ය උපරිම වෛද්ය පහසුකම් සපයන ලෙසද දන්වා තිබෙනවා.
