එක්දින ලෝක කුසලාන තරගාවලියේ මේ වනවිට ඔස්ට්රේලියාවට එරෙහි ව පැවැත්වෙන තරගයේ දී ආරම්භක පිතිකරු පැතුම් නිස්සංක සහ කුසල් පෙරේරා විශිෂ්ට අර්ධ ශතක ද්විත්වයකින් සිය ලකුණු පුවරුව වර්ණවත් කරන්නට මීට ටික වේලාවකට පෙර සමත් වුණා.
ඉන්දියාවේ ලක්නව් ක්රීඩාංගණයේ දී පැවැත්වෙන මෙම තරගයේ දී පැතුම් මෙවර ලබාගත්තේ ජාත්යන්තර එක්දින පිටියේ සිය 11 වැනි අර්ධ ශතකයයි.
පැතුම්ට මෙම ලකුණු 50 රැස් කිරීමට පන්දු 58ක් වැය වුණා.
දැවැන්ත හතරේ පහර 06කින් මෙම අර්ධ ශතකය වර්ණවත් වීම ද විශේෂත්වයක්.
කුසල් සිය 16 වැනි එක්දින අර්ධ ශතකය රැස් කරගත්තේ පන්දු 57කට මුහුණදෙමින්.
ඊට ඇතුළත් වුණ හතරේ පහර ගණන 08ක්.
අද තරගය පස්වරු 02ට ආරම්භ වූ අතර, තරගයේ කාසියේ වාසිය හිම්වූයේ නායක කුසල් මෙන්ඩිස් හට යි.
ඒ අනුව මෙන්ඩිස් තීරණය කළේ පළමු ව පිතිකරණය තෝරා ගැනීමටයි.
ඊට පිළිතුරක් වශයෙන් ශ්රී ලංකා කණ්ඩායමේ ආරම්භක පිතිකරුවන් ලෙස පැතුම් සමග කුසල් පෙරේරා එක් වූයේ.
පළමු කඩුල්ල වෙනුවෙන් ශ්රී ලංකා කණ්ඩායමේ ගොඩනැගී ඇති සබඳතාව ලකුණු 114ක්.
මේ වනවිට ශ්රී ලංකා කණ්ඩායම පන්දුවාර 18ක් අවසානයේ දී කිසිවෙකු නොදැවී ලකුණු 114ක් ලබාගෙන සිටිනවා.
