මොරොක්කෝවට ගොස් සිටින මුදල් රාජ්ය අමාත්ය ශෙහාන් සේමසිංහ සහ ලෝක බැංකු විධායක අධ්යක්ෂ පරමේෂ්වරන් අයියර් අතර හමුවක් පැවැත් වුණා.
එහි දී ශ්රී ලංකාවට සහාය දක්වන වැඩසටහන් පිළිබඳව කරුණු සාකච්ඡා වූ බවයි රාජ්ය අමාත්යවරයා කියා සිටියේ.
ලෝක බැංකුව මෙරට ආර්ථික ස්ථාවරත්වයට හා ප්රතිසංස්කරණ සාර්ථක කරගැනීමට ලබාදෙන සහයෝගය පිළිබඳ සිය කෘතඥතාව පළ කළ බව රාජ්ය අමාත්යවරයා සඳහන් කර සිටියා.
මේ අතර රාජ්ය අමාත්යවරයා සහ ජාත්යන්තර මූල්ය අරමුදලේ විධායක අධ්යක්ෂ කේ. සුබ්රමනියන් අතර හමුවක් ද පැවැත්වා තිබෙනවා.
ආර්ථික ප්රතිසංස්කරණ වැඩසටහනේ ප්රගතිය සහ ශ්රී ලංකාවේ ආර්ථිකය මුහුණ දෙන අභියෝග ඇතුළු වත්මන් ආර්ථික තත්ත්වයන් පිළිබඳව මෙම හමුවේ දී සාකච්ඡා කර ඇති බවයි වාර්තා වුණේ.
ජාත්යන්තර මුල්ය අරමුදලේ සහ ලෝක බැංකුවේ 2023 වාර්ෂික රැස්වීම ඊයේ (09) මොරොක්කෝවේ දී ආරම්භ වුණා.
මෙම සතිය තුළ ආර්ථික ස්ථාවරත්වය ශක්තිමත් කිරීමට සහ තිරසාර ආර්ථික වර්ධනයක් ළගා කරගැනීම සඳහා අපගේ සියලුම හවුල්කරුවන් මුණගැසීමට බලාපොරොත්තුවන බව සේමසිංහ අමාත්යවරයා වැඩිදුරටත් සඳහන් කර සිටියා.
මොරොක්කෝවේ මරකේච් හිදී ලබන 15 දක්වා පැවැත්වෙන සමුළුව සඳහා මහබැංකු අධිපති ආචාර්ය නන්දලාල් වීරසිංහ, මුදල් අමාත්යාංශ ලේකම් මහින්ද සිරිවර්ධන ඇතුළු නිලධාරීන් පිරිසක් සහභාගී වී සිටිනවා.
wpDiscuz
